Versículos bíblicos populares de Kĩambĩrĩria 17

Partilhar

Rĩrĩa Aburamu aarĩ wa mĩaka mĩrongo kenda na kenda, MWATHANI nĩamuumĩrĩire akĩmwĩra atĩrĩ, “Nĩ niĩ Ngai Mwene Hinya Wothe. Njathĩkagĩra, na ũkoragwo wĩ mũkinyanĩru hingo ciothe.

Ndũgũcooka gwĩtwo Aburamu, ũrĩĩtagwo Aburahamu, amu nĩndagũtua ithe wa ndũũrĩrĩ nyingĩ.

“Nĩngũkĩhingia kĩrĩĩkanĩro gĩakwa harĩ we o na harĩ njiarwa ciaku, na gĩgũtũũra nginya tene. Nĩngũtuĩka Ngai waku, o na Ngai wa njiarwa ciaku.

“Nĩndathondeka kĩrĩĩkanĩro nawe atĩ nĩũgaatuĩka ithe wa ndũũrĩrĩ nyingĩ.

No Ngai akĩmwĩra atĩrĩ, “Aaca, mũtumia waku Sara nĩagũgũciarĩra kahĩĩ, na ũgaagatua Isaaka. Nĩngaamũhingĩria we mwene na njiarwa ciake kĩrĩĩkanĩro gĩakwa. Kĩrĩĩkanĩro kĩu nĩgĩagũtũũra tene na tene.

Nĩngũkũhe bũrũri ũyũ wa ũgeni ũtũũraga ũtuĩke waku na njiarwa ciaku. Bũrũri wothe wa Kanaani ũgũtuĩka wa njiarwa ciaku nginya tene na tene, na nĩngũtuĩka Ngai wacio.”

Aburahamu akĩinamĩrĩra akĩhuutia thĩ na thiithi, akĩambĩrĩria gũtheka akĩyũria atĩrĩ, “Mũndũ mũrũme wa mĩaka igana aagĩa mwana? Sara no agĩe mwana e na mĩaka mĩrongo kenda?”

Ningĩ Ngai akĩĩra Aburahamu atĩrĩ, “ Kuuma rĩu, ndũgũcooka gwĩta mũtumia waku Sarai, ũrĩmwĩtaga Sara.

Marĩruaga kĩĩga kĩa ũciari, na rũu nĩruo rũũri rwa kĩrĩĩkanĩro giitũ na inyuĩ.

No rĩĩrĩ, ngaathondeka kĩrĩĩkanĩro gĩakwa na Isaaka ũrĩa ũgaaciarwo nĩ Sara mahinda o ta maya mwaka ũcio ũngĩ.”

Kuuma rĩu kahĩĩ o goothe karĩruaga ge ka matukũ manaana. Ũguo nĩkuuga kahĩĩ o goothe ka njiarwa ciaku, kana ka ngombo iria iciarĩirwo gwaku, kana ũgũrĩĩte kuuma kwĩ ndũũrĩrĩ. Mũndũ mũrũme o wothe no mũhaka aruage, naguo ũndũ ũcio ũrĩkoragwo ũrĩ rũũri rwa kuonania atĩ kĩrĩĩkanĩro gĩakwa nawe nĩ gĩa gũtũũra tene na tene.