Versículos bíblicos populares de JOHAN 6

Partilhar

Jisu nou puletao hi paoe, “E hai ahri raokhaoe; Ahi taveyu puhsü houkhai laimoe, alia Eye louche louyu puhsü reikhai laimoe.

Ahri peiyu hai rako noue, vasou louzü zhiyu alia hae. Enou neletao hi paopeiyu chipao taosü rakoe ea ahrie.

Ha-kalaiyu touso donou vah souwuso; ana Mai Nahpoutu nou neletao hi peilaiyu teisa hrümainou bulaiyu touso süna donou vah soulo; daiolouzü puh pei hi Puo, Ramai nou puh vei paoshee soukhaire.”

Daiolouzü Apuo leli nasü hainare, süolouzü Nahpoutuye ngaolouyu ea puhye louche louyu mai talisü teisa ahri ngaoloulai; alia Enou puhye akhai teitheki sou hrishu loulai.”

Jisu nou puletao hi chila peie, “Ramai vah louzü puhnou seivekhai touyu sünaye neletao nou loucheyu süna süe.”

Apuonou Ahi peikhai touyu hrülaisü Ahi velai; alia Ahi velou louyu puhye sü Enou hulai khailai moe.

Simon Pitar nou puh hi chila peie, “Mapao, Ehnou thaoh hi talai? Nehisü teisa ahri chipaotao bue.

Ehai rakinou kouyu hriyu raokhao nasüe. Maitalinou raokhao haina toulouzü, puhsü teisanou hrilai; alia deiphao mainou hrire donou Enou peilaiyu raokhao nasü Avasoue.”

Eye seive peiyu Apuonou puhye Ahi savepei molouzü, maita linoua Ahi velou hoe; alia Enou puhye akhai teitheki panou hrishu loulai.

Daiolouzü Ramai vei raokhaona louzü rakinou kouloua deiphao mai hi ahri peiyu sünasüe.”

E hai ahri raokhao nasüe.

Süthaisü Jisu nou raokhao taosü poloure, alia puhnou Ramai hi kalo paowu-a sütaosü puhnou sühi koubuyu maitaohi zhihpeire. Puhnou khah-a sükua zhihpeire, alia puletao hrülainou lahlah züpasü touloure. Alia puletao nou puletao pouphou toulouyu thaisü, puhnou puh rozümai taohi paoe, “Halia panou souha-a more donou toushoyu kou-lihtao veishi podzülo.”

Puletao nou kaacho asü adai pha sakhao saopoa takouyu kisü, Jisu nou zai peinou sakhao nahi takou ngheiyu sü puletao nou ngaoloure, alia puletaosü ngaopisho loure. Ana puhnou puletao hi paoe, “Ebaie; piso.”