Versículos bíblicos populares de JOHAN 15

Partilhar

“E darkha bejü nasüe, neletaosü bo taoe. Ahinou tobai soumoa buyu ea Enou puh hi buyu mai sünasü rashi alaosou shilai; daiolouzü E loumoa neletao nou hatalia soulou hoe.

Ahinou tobai soumoa bulo, alia Enou neletao hi tobai soumoa bulai. Bo talinou bejü hi tobaisoumoa taomo louzü rashi shilou hoyu kua, neletao-a Ahinou tobai soumoa bumo louzü rashi shilou hoe.

Neletao nou Ahi tobai soumoa bulouzü ea Achipao taosü neletao hi tobai soumoa bulouzü, neletao nou züpayu tali khokhaio, alia sünasü neletao donou soupeilai.

Neletao nou Eye dolou moe, ana neletao nou taho rashi shiloure donou ea neletao vei rashi nasü teisanou buloure donou Enou neletaoye doloure ea buh thoupeire. Alia sükua neletao nou Azhih hinou Puohi khoyu tasü puhnou neletao hi peilai.

Maita linou puh samaitao donou thaipeiyu süjünou dukouyu leshi kukhe hae.

Ahinou tao-a buyu rashi shimoyu bo veishi puhnou vilaiwu baiwe; alia rashi shiyu bo veishiye panou rashi shipure donou puhnou soushee peiwe.

Haihai Achikha nasüe, süolouzü Enou neletaoye leshiyu kua neletao-a alinou liye leshilo.

Neletao nou rashi alaosou shiloua Arozümaitaoe touyu zhopaoh souyu sünanou Apuoye soudusho peiwe.

“E darkha bejü acheche nasüe, ea Apuonou darkha kipei-khowo süe.

Maita linou Ahinou tobai soumoa bumolouzü, puhye sü boli kua shilaiwu-a panou kita baiwe; alia sübüyu botaoye sü podzüloua meihi polaithou deiwu baiwe.

“Avei sayu nahai neletao hi buloure donou, alia neletao vei sayuhai liche loure donou Enou haitaosü neletao hi paopeire.

Enou Apuo chikhatao züloua puh leshi hinou tobai soumoa buyu kua, neletao-a Achikhatao zülouzü neletao nou Aleshi hinou tobai soumoa buloulai.

Südonou Enou neletao hi chikha peia paoyu nasü hainae: alinou liye leshilo.

Neletao hai deiphao veie toulouzü, deiphao mainou lah puhveiye sü leshilai. Ana neletao hai deiphao maivei moyu donou, alia Enou neletaoye deiphao hinou dolouyu donou, deiphao mainou neletaoye ngaorawe.