 If you would like a copy of this version please contact info@davaraudiobibles.org

Ewe (Togo) Bible

<div class="version vid3306 iso6393ewe" data-vid="3306" data-iso6393="ewe">
 <div class="book bkGEN">
 <div class="chapter ch21" data-usfm="GEN.21">
 <div class="label">21</div><div class="s1">Isak dzidzi</div><div class="p"> 1A&#402;et&#596; ve Sara nu abe ale si w&#242;gbl&#596; ene, eye w&#242;w&#596; e&#402;e &#331;ugbedodo la dzi n&#603;. 2#Heb 11.11. Ale Sara f&#596; fu, eye w&#242;dzi vi&#331;utsu na Abraham le e&#402;e ameg&#227;kuku me le &#611;eyi&#611;i, si Mawu gbl&#596; &#598;i xoxo la dzi. 3Abraham ts&#596; &#331;k&#596; na &#598;evi si Sara dzi n&#603; la be Isak. 4#Mos I, 17.12; D&#596;w 7.8. Esi &#598;evia x&#596; &#331;keke enyi la, Abraham tso a&#651;a n&#603; abe ale si Mawu &#598;o n&#603; ene. 5Abraham x&#596; &#402;e alafa &#598;eka esime wodzi Isak. 6Sara gbl&#596; be: &#8220;Mawu do nukokoe nam. Ame sia ame si ase nya sia la, a&#598;i kokoe n&#603;.&#8221; 7Az&#596; egbl&#596; yi edzi be: &#8220;Ame kae bui kp&#596; be yeagbl&#596; na Abraham be, &#8216;Sara h&#227; ava na no vi?&#8217; Ke, togb&#596; be w&#242;tsi, ku ameg&#227; h&#227; la, nyee nye esi dzi vi n&#603;.&#8221;</div><div class="p"> 8Isak va tsi. Gbe si gbe wo&#598;ee le no nu la, Abraham &#598;o kpl&#596;&#771; g&#227; a&#598;e na amewo.</div><div class="s1">Abraham ny&#224; Hagar kple Ismael &#598;a</div><div class="p"> 9Gbe &#598;eka la, Sara kp&#596; Egipte-ny&#596;nua, Hagar vi, Ismael, ame si w&#242;dzi na Abraham la, w&#242;n&#596; fefem kple via Isak. 10#Gal 4.29, 30. Ale Sara gbl&#596; na Abraham be: &#8220;Ny&#224; kosi sia kple via. Elabe vinye mele dome nyi ge kple kosi sia &#402;e vi o.&#8221; 11Ke nya la mes&#596; na Abraham kura o, elabe Ismael h&#227; nye via. 12#Rom 9.7; Heb 11.18. Tete Mawu gbl&#596; na Abraham be: &#8220;M&#232;gana nya sia na&#598;e fu na w&#242; le &#598;evia kple w&#242; kosi la ta o. Ke bo&#331; nya sia nya si Sara gbl&#596; na w&#242; la n&#224;&#598;o toe, elabe Isak me w&#242; dzidzimeviwo ado tso. 13Mana duk&#596; nado tso kosi vi la h&#227; me, elabe eya h&#227; viw&#242;e.&#8221; 14Ale esi Abraham f&#596; &#331;di kanya la, edi nu&#598;u&#598;u na Hagar. Eku tsi &#598;e l&#227;gbal&#7869;golo me w&#242;y&#596;, eye w&#242;k&#596; &#598;evia kple nuawo &#598;o ab&#596;ta n&#603; hedo m&#596;e.#21.14: G&#596;me&#598;e&#598;e a&#598;ewo gbl&#596; be: Abraham kpe &#598;e e&#331;u w&#242;kpa &#598;evia &#598;e me. Hagar dzo, eye w&#242;yi &#598;atsa le Beer-Seba gbegbe.</div><div class="p"> 15Esi tsia v&#596; la, Hagar ts&#596; &#598;evia ml&#596; ati dodoe a&#598;e te, 16elabe egbl&#596; na e&#598;okui be: &#8220;Nyemate &#331;u ado dzi akp&#596; &#598;evia ku&#402;e o.&#8221; Ale w&#242;dzo yi &#598;ab&#596;b&#596; n&#596; adz&#596;ge abe kpedada &#598;eka &#402;e didime ene tso egb&#596;. Az&#596; &#598;evia w&#243; avi kple &#611;li. 17Ke Mawu se &#331;utsuvia &#402;e gbe, eye mawud&#596;la y&#596; Hagar tso dzi&#402;o gbl&#596; n&#603; be: &#8220;Hagar, nu kae le w&#596;w&#242;m? M&#232;gav&#596;&#771; o. Mawu se &#331;utsuvia &#402;e gbe le afi si w&#242;le. 18Tso n&#224;yi &#598;ak&#596;e, eye n&#224;l&#233;e &#598;e asi, elabe mana e&#402;e dzidzimeviwo nazu duk&#596; g&#227; a&#598;e.&#8221; 19Tete Mawu &#651;u Hagar &#402;e &#331;kuwo, eye w&#242;kp&#596; tsivudo a&#598;e le afi ma. Eyi &#598;aku tsia &#598;e l&#227;gbal&#7869;golo la me w&#242;y&#596;. Ek&#596;e v&#603;, eye w&#242;na &#598;e &#598;evia w&#242;no. 20Mawu n&#596; kple &#598;evia, w&#242;tsi. En&#596; gbedada&#402;o, eye w&#242;va zu a&#331;utr&#596;dala nyui a&#598;e. 21En&#596; Paran-gbegbe, eye n&#596;a &#598;e sr&#596;&#771; n&#603; tso Egipte-nyigba dzi.</div><div class="s1">Abraham bla nu kple Abimelex</div><div class="p"> 22 # 
 Mos I, 26.26. &#404;e ma &#611;i la, Abimelex kple e&#402;e a&#651;akpl&#596;la Pixol yi &#598;agbl&#596; na Abraham be: &#8220;Mawu li kpli w&#242; le nu sia nu si n&#232;w&#596;na la me. 23Eya ta ka atam nam le Mawu &#331;kume afii, fifi laa be yemable nye &#331;ut&#596; loo, vinyewo loo, alo nye dzidzimeviwo akp&#596; o. Mew&#596; nute&#402;e na w&#242; va yi, eya ta ka atam nam be ye h&#227; yeaw&#596; nute&#402;e nam kple anyigba si dzi yeva le fifia la h&#227;.&#8221; 24Abraham gbl&#596; be: &#8220;Meka atam be maw&#596; nute&#402;e na mi.&#8221;</div><div class="p"> 25Tete Abraham &#402;o nu kple Abimelex le tsivudo si Abimelex &#402;e d&#596;lawo x&#596; le esi ses&#7869;e la &#331;uti. 26Abimelex gbl&#596; be: &#8220;Nyemenya ame si w&#596; nu sia o, m&#232;gbl&#596;e nam kp&#596; o, eye nyemese naneke tso e&#331;u kp&#596; wu egbe o.&#8221; 27Az&#596; Abraham na al&#7869;wo kple nyiwo Abimelex, eye wo kple evea wobla nu. 28Ke Abraham &#598;e al&#7869;n&#596;e adr&#7869; &#598;e vovo. 29Abimelex biae be: &#8220;Al&#7869;n&#596;e adr&#7869; siawo, siwo n&#232;&#598;e &#598;e vovo la g&#596;me &#598;e?&#8221; 30Abraham &#598;o e&#331;u be: &#8220;X&#596; al&#7869;n&#596;e adr&#7869; siawo. Woawoe nye kpe&#598;odzinu be w&#242;e nye nye &#598;asefo be nyee &#598;e vudo sia.&#8221; 31Esia tae woy&#596;a te&#402;e ma be Beer-Seba#21.31: BEER-SEBA: Nya sia g&#596;mee nye vudo si wots&#596; do &#331;ugbee alo nu adr&#7869; &#402;e vudo le Hebri-gbe me (kp&#596; 26.23 h&#227; &#598;a)., elabe afi mae wo kple evea wobla nu le. 32Esi wobla nu v&#596; alea le Beer-Seba la, Abimelex kple e&#402;e a&#651;akpl&#596;la Pixol dze m&#596; gatr&#596; yi &#598;e Filistit&#596;wo &#402;e anyigba dzi. 33Abraham do atiwo &#598;e Beer-Seba, eye w&#242;sub&#596; A&#402;et&#596;, Mawu Mav&#596;t&#596; la le afi ma. 34Abraham n&#596; Filistit&#596;wo &#402;e anyigba dzi abe amedzro ene ete&#402;e didi.</div>
 </div>
 </div>
</div>

EƲEGBE BIBLIA © The Bible Society of Togo, 2014.

Aƒetɔ ve Sara nu abe ale si wògblɔ ene, eye wòwɔ eƒe ŋugbedodo la dzi nɛ. Ale Sara fɔ fu, eye wòdzi viŋutsu na Abraham le eƒe amegãkuku me le ɣeyiɣi, si Mawu gblɔ ɖi xoxo la dzi. Abraham tsɔ ŋkɔ na ɖevi si Sara dzi nɛ la be Isak. Esi ɖevia xɔ ŋkeke enyi la, Abraham tso aʋa nɛ abe ale si Mawu ɖo nɛ ene. Abraham xɔ ƒe alafa ɖeka esime wodzi Isak. Sara gblɔ be: “Mawu do nukokoe nam. Ame sia ame si ase nya sia la, aɖi kokoe nɛ.” Azɔ egblɔ yi edzi be: “Ame kae bui kpɔ be yeagblɔ na Abraham be, ‘Sara hã ava na no vi?’ Ke, togbɔ be wòtsi, ku amegã hã la, nyee nye esi dzi vi nɛ.”
Isak va tsi. Gbe si gbe woɖee le no nu la, Abraham ɖo kplɔ̃ gã aɖe na amewo.

Gbe ɖeka la, Sara kpɔ Egipte-nyɔnua, Hagar vi, Ismael, ame si wòdzi na Abraham la, wònɔ fefem kple via Isak. Ale Sara gblɔ na Abraham be: “Nyà kosi sia kple via. Elabe vinye mele dome nyi ge kple kosi sia ƒe vi o.” Ke nya la mesɔ na Abraham kura o, elabe Ismael hã nye via. Tete Mawu gblɔ na Abraham be: “Mègana nya sia naɖe fu na wò le ɖevia kple wò kosi la ta o. Ke boŋ nya sia nya si Sara gblɔ na wò la nàɖo toe, elabe Isak me wò dzidzimeviwo ado tso. Mana dukɔ nado tso kosi vi la hã me, elabe eya hã viwòe.” Ale esi Abraham fɔ ŋdi kanya la, edi nuɖuɖu na Hagar. Eku tsi ɖe lãgbalẽgolo me wòyɔ, eye wòkɔ ɖevia kple nuawo ɖo abɔta nɛ hedo mɔe. Hagar dzo, eye wòyi ɖatsa le Beer-Seba gbegbe.
Esi tsia vɔ la, Hagar tsɔ ɖevia mlɔ ati dodoe aɖe te, elabe egblɔ na eɖokui be: “Nyemate ŋu ado dzi akpɔ ɖevia kuƒe o.” Ale wòdzo yi ɖabɔbɔ nɔ adzɔge abe kpedada ɖeka ƒe didime ene tso egbɔ. Azɔ ɖevia wó avi kple ɣli. Ke Mawu se ŋutsuvia ƒe gbe, eye mawudɔla yɔ Hagar tso dziƒo gblɔ nɛ be: “Hagar, nu kae le wɔwòm? Mègavɔ̃ o. Mawu se ŋutsuvia ƒe gbe le afi si wòle. Tso nàyi ɖakɔe, eye nàlée ɖe asi, elabe mana eƒe dzidzimeviwo nazu dukɔ gã aɖe.” Tete Mawu ʋu Hagar ƒe ŋkuwo, eye wòkpɔ tsivudo aɖe le afi ma. Eyi ɖaku tsia ɖe lãgbalẽgolo la me wòyɔ. Ekɔe vɛ, eye wòna ɖe ɖevia wòno. Mawu nɔ kple ɖevia, wòtsi. Enɔ gbedadaƒo, eye wòva zu aŋutrɔdala nyui aɖe. Enɔ Paran-gbegbe, eye nɔa ɖe srɔ̃ nɛ tso Egipte-nyigba dzi.

Ɣe ma ɣi la, Abimelex kple eƒe aʋakplɔla Pixol yi ɖagblɔ na Abraham be: “Mawu li kpli wò le nu sia nu si nèwɔna la me. Eya ta ka atam nam le Mawu ŋkume afii, fifi laa be yemable nye ŋutɔ loo, vinyewo loo, alo nye dzidzimeviwo akpɔ o. Mewɔ nuteƒe na wò va yi, eya ta ka atam nam be ye hã yeawɔ nuteƒe nam kple anyigba si dzi yeva le fifia la hã.” Abraham gblɔ be: “Meka atam be mawɔ nuteƒe na mi.”
Tete Abraham ƒo nu kple Abimelex le tsivudo si Abimelex ƒe dɔlawo xɔ le esi sesẽe la ŋuti. Abimelex gblɔ be: “Nyemenya ame si wɔ nu sia o, mègblɔe nam kpɔ o, eye nyemese naneke tso eŋu kpɔ wu egbe o.” Azɔ Abraham na alẽwo kple nyiwo Abimelex, eye wo kple evea wobla nu. Ke Abraham ɖe alẽnɔe adrẽ ɖe vovo. Abimelex biae be: “Alẽnɔe adrẽ siawo, siwo nèɖe ɖe vovo la gɔme ɖe?” Abraham ɖo eŋu be: “Xɔ alẽnɔe adrẽ siawo. Woawoe nye kpeɖodzinu be wòe nye nye ɖasefo be nyee ɖe vudo sia.” Esia tae woyɔa teƒe ma be Beer-Seba, elabe afi mae wo kple evea wobla nu le. Esi wobla nu vɔ alea le Beer-Seba la, Abimelex kple eƒe aʋakplɔla Pixol dze mɔ gatrɔ yi ɖe Filistitɔwo ƒe anyigba dzi. Abraham do atiwo ɖe Beer-Seba, eye wòsubɔ Aƒetɔ, Mawu Mavɔtɔ la le afi ma. Abraham nɔ Filistitɔwo ƒe anyigba dzi abe amedzro ene eteƒe didi.

Ouvir Mose I 21