Borôro: Pao Kurireu Bataru Kurireu; O Novo Testamento (New Testament)

Pao Kurireu Bataru Kurireu; O Novo Testamento

<div class="version vid2518 iso6393bor" data-vid="2518" data-iso6393="bor">
 <div class="book bkMAT">
 <div class="chapter ch19" data-usfm="MAT.19">
 <div class="label">19</div><div class="s">Boe Emugu Pemegawo Puapo Ekawo Tugera Ra Pubiji</div><div class="p"> 1Jesus ure nou tumago akedudo dukeje uture Galil&#233;ia moto piji. Uture Jud&#233;ia moto ka. Kurugodure Jord&#227;o po kajeje toro bakowu ka. 2Boe emagare tudu tabo Jesus rekodaji toro nou moto ka. Jesus ure kogodureuge epemegago.</div><div class="p"> 3Ia fariseu doge etaregodure nono Jesus rakojereu ka jamedu. Etaidure tuwo turokogado Jesusji tuiorduwo ia Jesus ro pegareuji ia Jesus mako pegareuji. Erdumode dukeje emago pegamode ji rugadu. Dukodire enarare Jesusji. Egore: &#8211; Nuba Pao Kurireu ure maku Mois&#233;s aiwu pago bakaru akore? Ukana turugadu imedu uwo toreduje utudo tubiji tumugukawo apo pugeje? Romode aino pagatu je mare pegakare kana? Nou pago bakaru ukana turugadu imedu rore aino duji?</div><div class="p"> 4Jesus makore ewadaru jipagi. Akore: &#8211; Tagaiwore Pao Kurireu bataru remawu boetojiwuji rugadu. Ko&#269;are tarduwakare ji. Nou bataru akoino Pao Kurireu uie boe jamedu boe towuje dukeje ure imedu boetojiwu towuje. Ure aredu boetojiwudo towuje jamedu#19.4 Awu bataru padure G&#234;nesis 1.27 keje.. 5Pao Kurireu makoie ei imedu utumoduie tuo piji tuje piji tumuguwo toreduje apo dukeje emodukaie pobe pugeje, emoduie mitotu je rugadu#19.5 Awu bataru padure G&#234;nesis 2.24 keje.. 6Dukodire imedu mugumode aredu apo dukeje ere nono mitotu puapo turoi pui dutabo Pao Kurireu jakai. &#268;a Pao Kurireu aidure emugure puapo duji. Dukodire emuguwo puapo jii toro rugadu. Ekawo tugera ra pubiji rugadu.</div><div class="p"> 7Nono nou fariseu doge enarare Jesusji pugeje. Egore: &#8211; Mare nou ure pago bakaru maku pagaiwu Mois&#233;s makore nou mariguduwuge pawobei. Nou bakaru akore imedu aiduie tuwo toreduje utudo tubiji dukeje uwo ia bapera atugodo tuwo toreduje bie kaba kodiba tuie utudo tubiji rugadu. Imedu romoduie aino du pegakaie. Uwo toreduje utudo tubiji rugadu. Ainore nou mariguduwu jorduware Pao Kurireu bataru jiwu makore pawobei marigudu. Nou bataru ure turugadu kana?</div><div class="p"> 8Jesus akore: &#8211; Uu. Mariguduwuge pawobe etaora rakare dukodire etaidukare tuiorduwawo, etaidukare turo pemegawo. Dukodire Mois&#233;s ure nou paro maku mariguduwuge pawobe etai ewo tugera ra toreduje piji. Mare Pao Kurireu meardae remawu ukare aino boetoji. Aidukare imedu uwo tugera ra toreduje piji rugadu. 9Dukodire iwo tawie Pao Kurireu meardae remawuji pugeje. Imedu umode tugera ra toreduje piji mare mugumode ia aredu apo pugeje. Du pegare Pao Kurireu jakai. Nou imedu ro peganure nou toreduje boetojiwudoji rugadu. Ure tudo nono jeribarire toreduje pijiwu mogadure Pao Kurireu jakai. Mare imedu oreduje jeribarimode nou toredu piji dukeje nou imedu aidumode tuwo tugera ra toreduje piji du pegakare.</div><div class="p"> 10Nono nou Jesus ure jorduwadowuge emeardure Jesus akoino duji dukeje emagore Jesusji. Egore: &#8211; &#268;a nou akagoino jiwu Pao Kurireu meardae remawu rakare boei rugadu. Ime eragamodukare tumuguwo tu toreduje apo rugadu. Dukodire ukare turugadu imedu uwirewo.</div><div class="p"> 11Jesus makore ewadaru jipagi. Akore: &#8211; Awu iwadaru rakare dukodire ia boe etaidumodukare ji. Mare Pao Kurireu ure tumeardae maku etaiwuge etaidumode nou iwadaruji rugadu emeartorure Pao Kurireuji kodi. 12Ia ime ewodure dukeje ewa pegare dukodire ime mode emage mare eroiwakare tieribariwo areduji dukodire etuwiremodukare. Ia ime ewa bokware mare ime ro pegareuge ero koiare ere nou ime ewa tawuje. Dukodire etuwiremodukare. Mare ia ime emode tumeardae tawuje tuwirekawo. Mare paga karega. Etuwiremodukare tuwo tumagu Pao Kurireu ai tuwo Pao Kurireu utugaregedo pudumi. Ia boe eragare taiduwo awu iwadaruji du etaiduwo ji rugadu.</div><div class="p"> 13Nono ia boe etaregodure Jesus ae ia boe torebo. Emagore Jesusji uwo tugera bu nou boe etore ewugeje makowo eparu tabo Pao Kurireu bagai baruto. Mare Jesus ure jorduwadowuge etaidukare eroino duji. Emagore ei etuwo torebo Jesus piji. 14Mare Jesus makore ture jorduwadowugei rugadu. Akore: &#8211; Tagaba tawu boe etore emeardae ekajeje etaregoduwo itae rugadu. Etarego itae rugadu. Boe ewo tumeardae udo nono boe etore emeardae mogadure tuwo tugimijerado Pao Kurireu&#269;e rugadu turuduwo baruto.</div><div class="p"> 15Nono &#269;a Jesus ure tugera bu nou boe etore ewugeje. Nono uture nou boe epiji rugadu.</div><div class="s">Imedu Oe Kurire</div><div class="p"> 16Ia imedu aregodure Jesus ae. Unarare Jesusji. Akore: &#8211; Jorduwareu nure aki. Nuba iromode iwo iro pemegado iewoduwo pugeje imuguwo baru tada Pao Kurireu apo du akedukawo rugadu?</div><div class="p"> 17Jesus akore: &#8211; &#268;a anarare i boe ero pemegareu bagai. Arduwa kana kaba jiba akagoino? Pemegareu ure mitotu je. Marigudu arduware nou Pao Kurireu ure maku Judeu doge etaiwu bakaruji. Ure maku etai marigudu. Akaidure aewoduwo pugeje amuguwo Pao Kurireu apo du akedukawo dukodi ameartorudo nou Pao Kurireu ure maku Judeu doge etaiwu bakaruji.</div><div class="p"> 18Nou imedu unarare pugeje. Akore: &#8211; Nou bakaru kurire rugadu. Imeartorumodu kana nou bakaru jamedu boeji? Kaba bataru ji ba imeartorumode?</div><div class="p">Jesus makore nou imedu bataru jipagi. Akore: &#8211; Akaba boe ewido. Aeribarikaba akoreduje piji. Akiwogukaba. Awadrarodukaba boe erore jiboeji. 19Ameartorudo a&#269;eji, aoji. Ameardu kurido amedagei nono ameardu kuri moga ai dumogadure. Ameartorudo awu bataru boeji#19.19 Awu bataru padure &#202;xodo 20.12, Deuteron&#244;mio 5.16-20, Lev&#237;tico 19.18 keje..</div><div class="p"> 20Nou imedu akore: &#8211; Marigudu imeartorure awu bataru jamedu boeji ji aino. Kaba jiba iromode pugeje?</div><div class="p"> 21Nono Jesus makore imeduji pugeje. Akore: &#8211; Akaidure awo ro pemegareu remawudo aki dukeje akoe jamedu boe maku diero bagai. Nou ako diero rugadu maku marenarue doge etai. Dukeje Pao Kurireu umode akoe kurido baru tada. Aromode aino dukeje akaregodumode itae pugeje akoduwo itabo rugadu.</div><div class="p"> 22Nou imedu meardure Jesus bataruji dukeje kiarigodure. Oe kurire dukodire aidukare tuwo toe maku. Kiarigodure rugadu. Kodire uture Jesus piji. Meartorukare Jesus bataruji. 23Nono Jesus makore ture jorduwadowugei. Akore: &#8211; Iwo tawie boe remawuji. Ko&#269;are. Boe rakare oe kurireugei etaiduwo tuwo tugimijerado Pao Kurireu&#269;e tumuguwo Pao Kurireu apo baru tada. 24Boe rakare oe kurireu imeduji rugadu uwo tugimijerado Pao Kurireu&#269;e tumuguwo apo nono boe rakare cameloji#19.24 Camelo Nou moto kejewu barogo jire akoino. Nou boe ere tugeragu nou barogoji tagu ie&#269;e tumuguwo keje nono boe ero moga kuwaru keje dumogadure. Nou camelo kurire kuwaru kori. Dukodire umodukare turemo agulha poroto rugadu. uwo turemo agulha poroto dumogadure.</div><div class="p"> 25Nou Jesus ure jorduwadowuge emeardure nou Jesus bataruji dukeje eku kidure ji. Dukodire enarare ji. Egore: &#8211; Ko&#269;are. Ioguduba umode tuginorudo tuiewoduwo pugeje tumuguwo Pao Kurireu apo?</div><div class="p"> 26Jesus aiwore nou ture jorduwadowugei. Akore: &#8211; Boe eroiwakare tuwo &#269;inorudo rugadu. Mare Pao Kurireu roiware tuwo boe ekinorudo rugadu. Pao Kurireu rakare tuwo boe jamedu boe pemegado boei.</div><div class="p"> 27Nono Pedro akore: &#8211; &#268;egi &#269;ere &#269;egera ra &#269;enoe jamedu boe piji &#269;egoduwo akabo. Nuba boemode &#269;ei?</div><div class="p"> 28Jesus akore: &#8211; Imode tawie boe remawuji rugadu. Toro ia meri keje Pao Kurireu umode boe jamedu boe maiwudo pugeje. Nono Imedu Onaregedu mugumode boe eimijera kurireu mugure kejewu to ira motureu keje, dukeje nou kodure itabowuge tagi tamugumode boe eimijera mugure kejewu ira keje jamedu. Nono tagaiwomode Israel doge erore jiboeji ero pegareu bagai ero pemegareu bagai jamedu. Nou ira doge enodo padumode doze nono nou Israel doge eno cl&#227; dogere doze dumogadure. 29Boe emode tugera ra tuwai piji, tuo piji, tuje piji, tumanamage epiji, tuwiemage epiji, to boepa piji tugoduwo itabo tuwo boe ewie iwadaru pemegareuji dukeje boe rugadu boe makudumode etai eroino du mori&#269;e. Nou mori kurimode eture pijiboe kori rugadu. Nono ia meri keje eewodumode pugeje emuguwo toro baru tada. Ewimodukare pugeje jii toro rugadu. 30Boe emeardae pemegare oe kurireugei dukeje egore boe eimijerage nuie emage mare emeartorumodukare Pao Kurireuji dukeje marenarue doge mode emage. Iage enoe bokware dukodire boe emeardae pegare ei mare emeartorumode Pao Kurireuji dukeje oe kurireuge mode emage toro ia meri keje rugadu.</div>
 </div>
 </div>
</div>

Jesus ure nou tumago akedudo dukeje uture Galiléia moto piji. Uture Judéia moto ka. Kurugodure Jordão po kajeje toro bakowu ka. Boe emagare tudu tabo Jesus rekodaji toro nou moto ka. Jesus ure kogodureuge epemegago.
Ia fariseu doge etaregodure nono Jesus rakojereu ka jamedu. Etaidure tuwo turokogado Jesusji tuiorduwo ia Jesus ro pegareuji ia Jesus mako pegareuji. Erdumode dukeje emago pegamode ji rugadu. Dukodire enarare Jesusji. Egore: – Nuba Pao Kurireu ure maku Moisés aiwu pago bakaru akore? Ukana turugadu imedu uwo toreduje utudo tubiji tumugukawo apo pugeje? Romode aino pagatu je mare pegakare kana? Nou pago bakaru ukana turugadu imedu rore aino duji?
Jesus makore ewadaru jipagi. Akore: – Tagaiwore Pao Kurireu bataru remawu boetojiwuji rugadu. Kočare tarduwakare ji. Nou bataru akoino Pao Kurireu uie boe jamedu boe towuje dukeje ure imedu boetojiwu towuje. Ure aredu boetojiwudo towuje jamedu. Pao Kurireu makoie ei imedu utumoduie tuo piji tuje piji tumuguwo toreduje apo dukeje emodukaie pobe pugeje, emoduie mitotu je rugadu. Dukodire imedu mugumode aredu apo dukeje ere nono mitotu puapo turoi pui dutabo Pao Kurireu jakai. Ča Pao Kurireu aidure emugure puapo duji. Dukodire emuguwo puapo jii toro rugadu. Ekawo tugera ra pubiji rugadu.
Nono nou fariseu doge enarare Jesusji pugeje. Egore: – Mare nou ure pago bakaru maku pagaiwu Moisés makore nou mariguduwuge pawobei. Nou bakaru akore imedu aiduie tuwo toreduje utudo tubiji dukeje uwo ia bapera atugodo tuwo toreduje bie kaba kodiba tuie utudo tubiji rugadu. Imedu romoduie aino du pegakaie. Uwo toreduje utudo tubiji rugadu. Ainore nou mariguduwu jorduware Pao Kurireu bataru jiwu makore pawobei marigudu. Nou bataru ure turugadu kana?
Jesus akore: – Uu. Mariguduwuge pawobe etaora rakare dukodire etaidukare tuiorduwawo, etaidukare turo pemegawo. Dukodire Moisés ure nou paro maku mariguduwuge pawobe etai ewo tugera ra toreduje piji. Mare Pao Kurireu meardae remawu ukare aino boetoji. Aidukare imedu uwo tugera ra toreduje piji rugadu. Dukodire iwo tawie Pao Kurireu meardae remawuji pugeje. Imedu umode tugera ra toreduje piji mare mugumode ia aredu apo pugeje. Du pegare Pao Kurireu jakai. Nou imedu ro peganure nou toreduje boetojiwudoji rugadu. Ure tudo nono jeribarire toreduje pijiwu mogadure Pao Kurireu jakai. Mare imedu oreduje jeribarimode nou toredu piji dukeje nou imedu aidumode tuwo tugera ra toreduje piji du pegakare.
Nono nou Jesus ure jorduwadowuge emeardure Jesus akoino duji dukeje emagore Jesusji. Egore: – Ča nou akagoino jiwu Pao Kurireu meardae remawu rakare boei rugadu. Ime eragamodukare tumuguwo tu toreduje apo rugadu. Dukodire ukare turugadu imedu uwirewo.
Jesus makore ewadaru jipagi. Akore: – Awu iwadaru rakare dukodire ia boe etaidumodukare ji. Mare Pao Kurireu ure tumeardae maku etaiwuge etaidumode nou iwadaruji rugadu emeartorure Pao Kurireuji kodi. Ia ime ewodure dukeje ewa pegare dukodire ime mode emage mare eroiwakare tieribariwo areduji dukodire etuwiremodukare. Ia ime ewa bokware mare ime ro pegareuge ero koiare ere nou ime ewa tawuje. Dukodire etuwiremodukare. Mare ia ime emode tumeardae tawuje tuwirekawo. Mare paga karega. Etuwiremodukare tuwo tumagu Pao Kurireu ai tuwo Pao Kurireu utugaregedo pudumi. Ia boe eragare taiduwo awu iwadaruji du etaiduwo ji rugadu.
Nono ia boe etaregodure Jesus ae ia boe torebo. Emagore Jesusji uwo tugera bu nou boe etore ewugeje makowo eparu tabo Pao Kurireu bagai baruto. Mare Jesus ure jorduwadowuge etaidukare eroino duji. Emagore ei etuwo torebo Jesus piji. Mare Jesus makore ture jorduwadowugei rugadu. Akore: – Tagaba tawu boe etore emeardae ekajeje etaregoduwo itae rugadu. Etarego itae rugadu. Boe ewo tumeardae udo nono boe etore emeardae mogadure tuwo tugimijerado Pao Kurireuče rugadu turuduwo baruto.
Nono ča Jesus ure tugera bu nou boe etore ewugeje. Nono uture nou boe epiji rugadu.

Ia imedu aregodure Jesus ae. Unarare Jesusji. Akore: – Jorduwareu nure aki. Nuba iromode iwo iro pemegado iewoduwo pugeje imuguwo baru tada Pao Kurireu apo du akedukawo rugadu?
Jesus akore: – Ča anarare i boe ero pemegareu bagai. Arduwa kana kaba jiba akagoino? Pemegareu ure mitotu je. Marigudu arduware nou Pao Kurireu ure maku Judeu doge etaiwu bakaruji. Ure maku etai marigudu. Akaidure aewoduwo pugeje amuguwo Pao Kurireu apo du akedukawo dukodi ameartorudo nou Pao Kurireu ure maku Judeu doge etaiwu bakaruji.
Nou imedu unarare pugeje. Akore: – Nou bakaru kurire rugadu. Imeartorumodu kana nou bakaru jamedu boeji? Kaba bataru ji ba imeartorumode?
Jesus makore nou imedu bataru jipagi. Akore: – Akaba boe ewido. Aeribarikaba akoreduje piji. Akiwogukaba. Awadrarodukaba boe erore jiboeji. Ameartorudo ačeji, aoji. Ameardu kurido amedagei nono ameardu kuri moga ai dumogadure. Ameartorudo awu bataru boeji.
Nou imedu akore: – Marigudu imeartorure awu bataru jamedu boeji ji aino. Kaba jiba iromode pugeje?
Nono Jesus makore imeduji pugeje. Akore: – Akaidure awo ro pemegareu remawudo aki dukeje akoe jamedu boe maku diero bagai. Nou ako diero rugadu maku marenarue doge etai. Dukeje Pao Kurireu umode akoe kurido baru tada. Aromode aino dukeje akaregodumode itae pugeje akoduwo itabo rugadu.
Nou imedu meardure Jesus bataruji dukeje kiarigodure. Oe kurire dukodire aidukare tuwo toe maku. Kiarigodure rugadu. Kodire uture Jesus piji. Meartorukare Jesus bataruji. Nono Jesus makore ture jorduwadowugei. Akore: – Iwo tawie boe remawuji. Kočare. Boe rakare oe kurireugei etaiduwo tuwo tugimijerado Pao Kurireuče tumuguwo Pao Kurireu apo baru tada. Boe rakare oe kurireu imeduji rugadu uwo tugimijerado Pao Kurireuče tumuguwo apo nono boe rakare cameloji uwo turemo agulha poroto dumogadure.
Nou Jesus ure jorduwadowuge emeardure nou Jesus bataruji dukeje eku kidure ji. Dukodire enarare ji. Egore: – Kočare. Ioguduba umode tuginorudo tuiewoduwo pugeje tumuguwo Pao Kurireu apo?
Jesus aiwore nou ture jorduwadowugei. Akore: – Boe eroiwakare tuwo činorudo rugadu. Mare Pao Kurireu roiware tuwo boe ekinorudo rugadu. Pao Kurireu rakare tuwo boe jamedu boe pemegado boei.
Nono Pedro akore: – Čegi čere čegera ra čenoe jamedu boe piji čegoduwo akabo. Nuba boemode čei?
Jesus akore: – Imode tawie boe remawuji rugadu. Toro ia meri keje Pao Kurireu umode boe jamedu boe maiwudo pugeje. Nono Imedu Onaregedu mugumode boe eimijera kurireu mugure kejewu to ira motureu keje, dukeje nou kodure itabowuge tagi tamugumode boe eimijera mugure kejewu ira keje jamedu. Nono tagaiwomode Israel doge erore jiboeji ero pegareu bagai ero pemegareu bagai jamedu. Nou ira doge enodo padumode doze nono nou Israel doge eno clã dogere doze dumogadure. Boe emode tugera ra tuwai piji, tuo piji, tuje piji, tumanamage epiji, tuwiemage epiji, to boepa piji tugoduwo itabo tuwo boe ewie iwadaru pemegareuji dukeje boe rugadu boe makudumode etai eroino du moriče. Nou mori kurimode eture pijiboe kori rugadu. Nono ia meri keje eewodumode pugeje emuguwo toro baru tada. Ewimodukare pugeje jii toro rugadu. Boe emeardae pemegare oe kurireugei dukeje egore boe eimijerage nuie emage mare emeartorumodukare Pao Kurireuji dukeje marenarue doge mode emage. Iage enoe bokware dukodire boe emeardae pegare ei mare emeartorumode Pao Kurireuji dukeje oe kurireuge mode emage toro ia meri keje rugadu.

Ouvir Mateus 19