Biblica huwapatia watu neno la Mungu kupitia tafsiri, uchapishaji na kuwafanya watu wahusike na Biblia, Afrika, Asia ya Mashariki, Ulaya, Amerika ya Kati, Mashariki ya Kati na Amerika ya Kaskazini. Kupitia mtandao wake wa ulimwengu kote, Biblica inawahusisha watu na neno la Mungu ili maisha yao yabadilishwe kupitia uhusiano wao na Yesu Kristo. Biblica (formerly International Bible Society) provides God’s Word to people through Bible translation, Bible publishing and Bible engagement in Africa, East Asia Pacific, Europe, Latin America, Middle East, North America and South Asia. Through its worldwide reach, Biblica engages people with God’s Word so that their lives are transformed through a relationship with Jesus Christ.

Kiswahili Contemporary Version, Audio EditionCopyright ℗ 2013 by Biblica, Inc.® Used by permission. All rights reserved worldwide. Kiswahili Contemporary Version (Neno: Biblia Takatifu)Copyright ©1984, 1989, 2009, 2015 by Biblica, Inc.® Used by permission.All Rights Reserved Worldwide Printed.

Neno: Biblia Takatifu

Biblica® Toleo Wazi la Neno: Biblia Takatifu™, Toleo la Kusikiliza

<div class="version vid1627 iso6393swh" data-vid="1627" data-iso6393="swh">
 <div class="book bkJHN">
 <div class="chapter ch12" data-usfm="JHN.12">
 <div class="label">12</div><div class="s1">Mariamu ampaka Isa mafuta huko Bethania</div><div class="r">(Mathayo 26:6-13; Marko 14:3-9; Luka 7:35-38)</div><div class="p"> 1Siku sita kabla ya Pasaka, Isa alienda Bethania, makao ya Lazaro, aliyekuwa amemfufua kutoka kwa wafu. 2Wakaandaa karamu kwa heshima ya Isa. Martha akawahudumia, wakati Lazaro alikuwa miongoni mwa waliokaa mezani pamoja na Isa. 3Kisha Mariamu akachukua chupa ya painti moja#12:3 painti moja ni kama nusu lita yenye manukato ya nardo#12:3 aina ya mafuta yaliyokuwa yanatengenezwa kutokana na mimea yenye mizizi inayotoa harufu nzuri safi ya thamani kubwa, akayamimina miguuni mwa Isa na kuifuta kwa nywele zake. Nyumba nzima ikajaa harufu nzuri ya manukato.</div><div class="p"> 4Ndipo Yuda Iskariote mwana wa Simoni, mmoja wa wanafunzi wa Isa, ambaye baadaye angemsaliti Isa, akasema, 5&#8220;Kwa nini manukato haya hayakuuzwa kwa dinari mia tatu#12:5 Dinari 300 ni sawa na mshahara wa kibarua wa siku 300., na fedha hizo wakapewa maskini?&#8221; 6Yuda hakusema hivi kwa kuwa aliwajali maskini, bali kwa kuwa alikuwa mwizi; ndiye alikuwa akitunza mfuko wa fedha, na akawa akiiba zile fedha.</div><div class="p"> 7Isa akasema, &#8220;Mwacheni. Aliyanunua manukato hayo ili ayaweke kwa ajili ya siku ya maziko yangu. 8Maskini mtakuwa nao siku zote, lakini mimi hamtakuwa nami siku zote.&#8221;</div><div class="s1">Njama ya kumuua Lazaro</div><div class="p"> 9Umati mkubwa wa Wayahudi walipojua kwamba Isa alikuwa huko Bethania, walikuja si tu kwa ajili ya Isa, lakini pia kumwona Lazaro ambaye Isa alikuwa amemfufua. 10Kwa hiyo viongozi wa makuhani wakapanga njama ya kumuua Lazaro pia, 11kwa kuwa kutokana na habari za kufufuliwa kwake, Wayahudi wengi walikuwa wanamfuata Isa na kumwamini.</div><div class="s1">Isa aingia Yerusalemu kwa shangwe</div><div class="r">(Mathayo 21:1-11; Marko 1:1-11; Luka 19:28-40)</div><div class="p"> 12Siku iliyofuata umati mkubwa wa watu waliokuwa wamekuja kwenye Sikukuu walisikia kwamba Isa angekuja Yerusalemu. 13Basi wakachukua matawi ya mitende, wakatoka kwenda kumlaki, huku wakipaza sauti wakisema,</div><div class="q1">&#8220;Hosana!&#8221;#12:13 Kiebrania kusema Okoa; basi likawa neno la shangwe.</div><div class="b"></div><div class="q1">&#8220;Amebarikiwa yeye ajaye kwa Jina la Mwenyezi Mungu!&#8221;#12:13 Zaburi 118:25, 26</div><div class="b"></div><div class="q1">&#8220;Amebarikiwa mfalme wa Israeli!&#8221;</div><div class="m"> 14Isa akamkuta mwana-punda, akampanda, kama ilivyoandikwa,</div><div class="q1"> 15&#8220;Usiogope, ewe Binti Sayuni;</div><div class="q2">tazama, mfalme wako anakuja,</div><div class="q2">amepanda mwana-punda!&#8221;#12:15 Zekaria 9:9</div><div class="p"> 16Wanafunzi wake Isa mwanzoni hawakuelewa mambo haya. Lakini Isa alipotukuzwa, ndipo walipokumbuka kuwa mambo haya yalikuwa yameandikwa kwa ajili yake na alitendewa yeye.</div><div class="p"> 17Wale waliokuwepo Isa alipomwita Lazaro kutoka kaburini na kumfufua kutoka kwa wafu waliendelea kushuhudia. 18Na kwa sababu walikuwa wamesikia kwamba alikuwa ametenda muujiza huu, umati wa watu wakaenda kumlaki. 19Hivyo Mafarisayo#12:19 Kundi la kidini la Wayahudi; walifuata Torati kwa dhati, hasa maagizo kuhusu utakaso. Pia waliamini katika malaika, ufufuo wa wafu, na kuja kwa Masihi ambaye atarejesha ufalme wa Daudi na ukuu wa taifa la Israeli. walipoona hayo, wakaambiana, &#8220;Mnaona, hamwezi kufanya lolote. Angalieni, ulimwengu wote unamfuata yeye!&#8221;</div><div class="s1">Isa atabiri kifo chake</div><div class="p"> 20Basi palikuwa Wayunani fulani miongoni mwa wale waliokuwa wameenda kuabudu wakati wa Sikukuu. 21Hawa wakaenda kwa Filipo, aliyekuwa raia wa Bethsaida huko Galilaya, wakiwa na ombi. Wakamwambia, &#8220;Tungependa kumwona Isa.&#8221; 22Filipo akaenda akamweleza Andrea, nao wote wawili wakamwambia Isa.</div><div class="p"> 23Isa akawajibu, &#8220;Saa imewadia ya Mwana wa Adamu kutukuzwa. 24Amin, amin nawaambia, mbegu ya ngano isipoanguka ardhini na kufa, hubakia kama mbegu peke yake. Lakini ikifa, huzaa mbegu nyingi. 25Mtu yeyote anayependa maisha yake atayapoteza, naye ayachukiaye maisha yake katika ulimwengu huu atayaokoa hata kwa uzima wa milele. 26Mtu yeyote akinitumikia lazima anifuate, nami mahali nilipo ndipo mtumishi wangu atakapokuwa. Mtu akinitumikia, Baba yangu atamheshimu.</div><div class="p"> 27&#8220;Sasa roho yangu imefadhaika sana. Niseme nini? &#8216;Baba, niokoe katika saa hii&#8217;? Lakini ni kwa kusudi hili nimeufikia wakati huu. 28Baba, litukuze jina lako.&#8221;</div><div class="p">Ndipo ikaja sauti kutoka mbinguni, ikasema, &#8220;Nimelitukuza, nami nitalitukuza tena.&#8221; 29Umati ule wa watu waliokuwa mahali pale waliisikia ile sauti, nao wakasema hiyo ilikuwa sauti ya radi; wengine wakasema malaika ameongea naye.</div><div class="p"> 30Isa akawaambia, &#8220;Sauti hii imesikika kwa faida yenu, wala si kwa faida yangu. 31Sasa ni saa ya hukumu kwa ajili ya ulimwengu huu, sasa mkuu wa ulimwengu huu atatupwa nje. 32Lakini mimi, nikiinuliwa kutoka nchi, nitawavuta watu wote waje kwangu.&#8221; 33Isa aliyasema haya akionesha ni kifo gani atakachokufa.</div><div class="p"> 34Umati ule wa watu wakapaza sauti, wakasema, &#8220;Tumesikia kutoka Torati kwamba Al-Masihi#12:34 Al-Masihi maana yake Aliyetiwa mafuta. adumu milele; hivyo wewe wawezaje kusema, &#8216;Mwana wa Adamu hana budi kuinuliwa juu&#8217;? Huyu &#8216;Mwana wa Adamu&#8217; ni nani?&#8221;</div><div class="p"> 35Ndipo Isa akawaambia, &#8220;Bado kitambo kidogo nuru ingali pamoja nanyi. Nendeni maadamu mna nuru, msije mkakumbwa na giza. Mtu anayetembea gizani hajui anakoenda. 36Wekeni tumaini lenu katika nuru hiyo ili mpate kuwa wana wa nuru.&#8221; Baada ya kusema haya, Isa aliondoka, akajificha wasimwone.</div><div class="s1">Wayahudi waendelea kutokuamini</div><div class="p"> 37Hata baada ya Isa kufanya miujiza hii yote mbele yao, bado hawakumwamini. 38Hili lilikuwa ili kutimiza lile neno la nabii Isaya lililosema:</div><div class="q1">&#8220;Mwenyezi Mungu, ni nani aliyeamini ujumbe wetu,</div><div class="q2">na mkono wa Mwenyezi Mungu umefunuliwa kwa nani?&#8221;#12:38 Isaya 53:1</div><div class="p"> 39Kwa hivyo hawakuamini, kwa sababu Isaya anasema mahali pengine:</div><div class="q1"> 40&#8220;Amewafanya vipofu,</div><div class="q2">na kuifanya mioyo yao kuwa migumu,</div><div class="q1">ili wasiweze kuona kwa macho yao,</div><div class="q2">wala kuelewa kwa mioyo yao,</div><div class="q2">wasije wakageuka nami nikawaponya.&#8221;#12:40 Isaya 6:10</div><div class="m"> 41Isaya alisema haya alipoona utukufu wa Isa na kunena habari zake.</div><div class="p"> 42Lakini wengi miongoni mwa viongozi wa Wayahudi walimwamini, lakini kwa sababu ya Mafarisayo hawakukiri waziwazi kwa maana waliogopa kufukuzwa katika masinagogi.#12:42 Nyumba za ibada na mafunzo. 43Wao walipenda sifa za wanadamu kuliko sifa zinazotoka kwa Mungu.</div><div class="s1">Amwaminiye Isa hatabaki gizani</div><div class="p"> 44Isa akapaza sauti akasema, &#8220;Yeyote aniaminiye, haniamini mimi peke yangu, bali pia yeye aliyenituma. 45Yeyote anionaye mimi amemwona yeye aliyenituma. 46Mimi nimekuja kama nuru ulimwenguni, ili kila mtu aniaminiye asibaki gizani.</div><div class="p"> 47&#8220;Mimi simhukumu mtu yeyote anayesikia maneno yangu na asiyatii, kwa maana sikuja kuuhukumu ulimwengu, bali kuuokoa. 48Yuko anayehukumu yule anayenikataa mimi na kuyakataa maneno yangu; yale maneno niliyoyasema yenyewe yatamhukumu siku ya mwisho. 49Kwa maana sisemi kwa ajili yangu mwenyewe, bali Baba aliyenituma aliniamuru ni nini cha kusema na jinsi ya kukisema. 50Nami ninajua amri zake huongoza hadi kwenye uzima wa milele. Hivyo lolote nisemalo, ndilo lile Baba aliloniambia niseme.&#8221;</div>
 </div>
 </div>
</div>

Neno: Maandiko Matakatifu™ NMM™ Hakimiliki © 2018, 2024 na Biblica, Inc. Imetumiwa kwa ruhusa. Haki zote zimehifadhiwa duniani kote. Kiswahili Contemporary Scriptures™ Copyright © 2018, 2024 by Biblica, Inc. Used with permission. All rights reserved worldwide.

Siku sita kabla ya Pasaka, Isa alienda Bethania, makao ya Lazaro, aliyekuwa amemfufua kutoka kwa wafu. Wakaandaa karamu kwa heshima ya Isa. Martha akawahudumia, wakati Lazaro alikuwa miongoni mwa waliokaa mezani pamoja na Isa. Kisha Mariamu akachukua chupa ya painti moja yenye manukato ya nardo safi ya thamani kubwa, akayamimina miguuni mwa Isa na kuifuta kwa nywele zake. Nyumba nzima ikajaa harufu nzuri ya manukato.
Ndipo Yuda Iskariote mwana wa Simoni, mmoja wa wanafunzi wa Isa, ambaye baadaye angemsaliti Isa, akasema, “Kwa nini manukato haya hayakuuzwa kwa dinari mia tatu, na fedha hizo wakapewa maskini?” Yuda hakusema hivi kwa kuwa aliwajali maskini, bali kwa kuwa alikuwa mwizi; ndiye alikuwa akitunza mfuko wa fedha, na akawa akiiba zile fedha.
Isa akasema, “Mwacheni. Aliyanunua manukato hayo ili ayaweke kwa ajili ya siku ya maziko yangu. Maskini mtakuwa nao siku zote, lakini mimi hamtakuwa nami siku zote.”

Umati mkubwa wa Wayahudi walipojua kwamba Isa alikuwa huko Bethania, walikuja si tu kwa ajili ya Isa, lakini pia kumwona Lazaro ambaye Isa alikuwa amemfufua. Kwa hiyo viongozi wa makuhani wakapanga njama ya kumuua Lazaro pia, kwa kuwa kutokana na habari za kufufuliwa kwake, Wayahudi wengi walikuwa wanamfuata Isa na kumwamini.


Siku iliyofuata umati mkubwa wa watu waliokuwa wamekuja kwenye Sikukuu walisikia kwamba Isa angekuja Yerusalemu. Basi wakachukua matawi ya mitende, wakatoka kwenda kumlaki, huku wakipaza sauti wakisema,
“Hosana!”

“Amebarikiwa yeye ajaye kwa Jina la Mwenyezi Mungu!”

“Amebarikiwa mfalme wa Israeli!”
Isa akamkuta mwana-punda, akampanda, kama ilivyoandikwa,
“Usiogope, ewe Binti Sayuni;
tazama, mfalme wako anakuja,
amepanda mwana-punda!”
Wanafunzi wake Isa mwanzoni hawakuelewa mambo haya. Lakini Isa alipotukuzwa, ndipo walipokumbuka kuwa mambo haya yalikuwa yameandikwa kwa ajili yake na alitendewa yeye.
Wale waliokuwepo Isa alipomwita Lazaro kutoka kaburini na kumfufua kutoka kwa wafu waliendelea kushuhudia. Na kwa sababu walikuwa wamesikia kwamba alikuwa ametenda muujiza huu, umati wa watu wakaenda kumlaki. Hivyo Mafarisayo walipoona hayo, wakaambiana, “Mnaona, hamwezi kufanya lolote. Angalieni, ulimwengu wote unamfuata yeye!”

Basi palikuwa Wayunani fulani miongoni mwa wale waliokuwa wameenda kuabudu wakati wa Sikukuu. Hawa wakaenda kwa Filipo, aliyekuwa raia wa Bethsaida huko Galilaya, wakiwa na ombi. Wakamwambia, “Tungependa kumwona Isa.” Filipo akaenda akamweleza Andrea, nao wote wawili wakamwambia Isa.
Isa akawajibu, “Saa imewadia ya Mwana wa Adamu kutukuzwa. Amin, amin nawaambia, mbegu ya ngano isipoanguka ardhini na kufa, hubakia kama mbegu peke yake. Lakini ikifa, huzaa mbegu nyingi. Mtu yeyote anayependa maisha yake atayapoteza, naye ayachukiaye maisha yake katika ulimwengu huu atayaokoa hata kwa uzima wa milele. Mtu yeyote akinitumikia lazima anifuate, nami mahali nilipo ndipo mtumishi wangu atakapokuwa. Mtu akinitumikia, Baba yangu atamheshimu.
“Sasa roho yangu imefadhaika sana. Niseme nini? ‘Baba, niokoe katika saa hii’? Lakini ni kwa kusudi hili nimeufikia wakati huu. Baba, litukuze jina lako.”
Ndipo ikaja sauti kutoka mbinguni, ikasema, “Nimelitukuza, nami nitalitukuza tena.” Umati ule wa watu waliokuwa mahali pale waliisikia ile sauti, nao wakasema hiyo ilikuwa sauti ya radi; wengine wakasema malaika ameongea naye.
Isa akawaambia, “Sauti hii imesikika kwa faida yenu, wala si kwa faida yangu. Sasa ni saa ya hukumu kwa ajili ya ulimwengu huu, sasa mkuu wa ulimwengu huu atatupwa nje. Lakini mimi, nikiinuliwa kutoka nchi, nitawavuta watu wote waje kwangu.” Isa aliyasema haya akionesha ni kifo gani atakachokufa.
Umati ule wa watu wakapaza sauti, wakasema, “Tumesikia kutoka Torati kwamba Al-Masihi adumu milele; hivyo wewe wawezaje kusema, ‘Mwana wa Adamu hana budi kuinuliwa juu’? Huyu ‘Mwana wa Adamu’ ni nani?”
Ndipo Isa akawaambia, “Bado kitambo kidogo nuru ingali pamoja nanyi. Nendeni maadamu mna nuru, msije mkakumbwa na giza. Mtu anayetembea gizani hajui anakoenda. Wekeni tumaini lenu katika nuru hiyo ili mpate kuwa wana wa nuru.” Baada ya kusema haya, Isa aliondoka, akajificha wasimwone.

Hata baada ya Isa kufanya miujiza hii yote mbele yao, bado hawakumwamini. Hili lilikuwa ili kutimiza lile neno la nabii Isaya lililosema:
“Mwenyezi Mungu, ni nani aliyeamini ujumbe wetu,
na mkono wa Mwenyezi Mungu umefunuliwa kwa nani?”
Kwa hivyo hawakuamini, kwa sababu Isaya anasema mahali pengine:
“Amewafanya vipofu,
na kuifanya mioyo yao kuwa migumu,
ili wasiweze kuona kwa macho yao,
wala kuelewa kwa mioyo yao,
wasije wakageuka nami nikawaponya.”
Isaya alisema haya alipoona utukufu wa Isa na kunena habari zake.
Lakini wengi miongoni mwa viongozi wa Wayahudi walimwamini, lakini kwa sababu ya Mafarisayo hawakukiri waziwazi kwa maana waliogopa kufukuzwa katika masinagogi. Wao walipenda sifa za wanadamu kuliko sifa zinazotoka kwa Mungu.

Isa akapaza sauti akasema, “Yeyote aniaminiye, haniamini mimi peke yangu, bali pia yeye aliyenituma. Yeyote anionaye mimi amemwona yeye aliyenituma. Mimi nimekuja kama nuru ulimwenguni, ili kila mtu aniaminiye asibaki gizani.
“Mimi simhukumu mtu yeyote anayesikia maneno yangu na asiyatii, kwa maana sikuja kuuhukumu ulimwengu, bali kuuokoa. Yuko anayehukumu yule anayenikataa mimi na kuyakataa maneno yangu; yale maneno niliyoyasema yenyewe yatamhukumu siku ya mwisho. Kwa maana sisemi kwa ajili yangu mwenyewe, bali Baba aliyenituma aliniamuru ni nini cha kusema na jinsi ya kukisema. Nami ninajua amri zake huongoza hadi kwenye uzima wa milele. Hivyo lolote nisemalo, ndilo lile Baba aliloniambia niseme.”

Ouvir Yohana 12