Mark 8
8
Iesu rava 4000 i viam-bagibagi
(Mat 15:32-39)
1Nai maranai, patara ḡaeḡaena i riana melei. Patara eḡa ai lam. Ma Iesu, ana tauvotaḡotaḡo i kwatuei da i nei ma i riwei i pa, 2“Au pom tonuḡa patara maiteni a mae ma ai lam eḡa ma a rau-nuapoapoelei. 3Taui ḡelaui, uamei i nei. Mepa da ana am-iraḡei ana paritawanei ai au numa, taui au etanai ina rau-molaḡau.”
4Ma ana tauvotaḡotaḡo i paribelei i pa, “Wei mutulua ma mepa lam tana vaia da wei patarana tana viam-bagibagi?”
5Ma Iesu, taui i paridadanei i pa, “Awarimi palawa biaḡa?”
Taui i riwa i pa, “seven”
6Ma Iesu, patara i riwei da au doa i kiala. Ma palawa seven i vaia ma God ivi egualauei ma ivo gimagimai ma ana tauvotaḡotaḡo i verei da patara i verei. 7Ma taui awari, iana muomuoi ruaḡa ota. Iesu i vaia; God ivi egualauei ma ana tauvotaḡotaḡo i verei da patara i verei. 8Taui anatapui i am da i am iaua. Ma lam am tereterenai i tuarui da poa ḡaeḡaei seven ivi oai. 9Rava 4000 i viam-bagibagi. Ma muriai i paritawanei ai au numa.
Farisi God ana mataira ivi baḡei
(Mat 15:39–16:4)
10Maratagogi, Iesu ana tauvotaḡotaḡo maiteni au waga i geru ma i nae Dalmanuta ana au parata. 11Farisi ḡelaui i nei ma vi pari pariḡai ivi karei Iesu maiteni. Taui i ḡoei da Iesu ita rau-dadani da mataira Godei itavi atataiei.#Deu 13:1-5; 18:18-22; Jdg 6:17-22; 1 Sa 2:34; 2 Kgs 20:8-11 12Iesu, aruanei i lavutu tawanana ma i riwa i pa, “Wei kimta voui, aiwai au baina mataira e ḡoeḡoei? A ririwana kauemi, amapo mataira eḡa ona inanai.#Mat 12:39; Luk 11:29 ”
Iesu ana tauvotaḡotaḡo i parivai-notai
13Anina ma Iesu, patara i netawanei ma ana tauvotaḡotaḡo maiteni au waga i geru me ma i damana Topa Galili au baba ḡelauna. 14Ma ana tauvotaḡotaḡo, nuanuai i vuru da ai palawa ita vaia ma palawa tagogi ava au waga i mamae. 15Iesu, taui i parivai-notai i pa, “Farisi ma Herod ai giu#8:15 In the Jews' thinking, ‘yeast’ is picture talk for something that spreads rottenness/badness among people, like yeast spreads through flour. When Jesus says ‘yeast’ here, he is talking about the bad teaching and example/way-of-living of the Pharisees and Herod. ma ai viararamana morumoruna ona inana kauei! Lamna me ist.”
16Ma taui i babani vivira i pa, “Tauta eḡa ata palawa au baina da e ririweta.”
17Ma Iesu i aramanei ma taui i riwei, “Aiwai au baina o bababani da taumi awarimi eḡa palawa? Taumi amapo da eḡa ota aramana ma ovivi nuanaina? Orami i bado bo? 18Matami e mamae ma eḡa ota inainana. Ma taniḡami e mamae ma eḡa ota nonora. Ma o notanotai bo eḡa? 19Maranai palawa five avo gimagimai rava 5000 au baii, lam am tereterenai o tami da poa biaḡa ovi oai?”
Taui i paribelei, “Twelve.”
20“Ma maranai palawa seven avo gimagimai rava 4000 au baii, lam am tereterenai o tami da poa ḡaeḡaei biaḡa ovi oai?”
Taui i paribelei, “Seven.” 21Ma taui i riwei i pa, “Ma amapo da ovivi nuanaina!”
Iesu, oroto matapotapotana ivi lawani au Bet-Saida
22Taui i nei au Bet-Saida ma rava ḡelaui, oroto matapotapotana i neiai Iesu awarina ma ivi baḡai da inina itavo dadani. 23Ma Iesu, oroto matapotapotana i rau-nimavoai ma melagaiei i taravaina opunei. Ma kampa matana i ovai ma urana au matana i terei ma i paridadanei, “Aiwai e inainanai bo eḡa?”
24Ma i taepai ma i riwa, “Rava a inainanai ma taui me ai ita bababara.”
25Iesu, urana i tere-melei oroto au matana. Ma matana i wana-tawanei da aiwai anatapuna i inana kauei. 26Iesu, tauna i paritawanei ana au numa ma i riwei, “Eḡa ma nae au melagai!”
Peter i riwa da Iesu, tauna Keriso
(Mat 16:13-16; Luk 9:18-20)
27Iesu, ana tauvotaḡotaḡo maiteni i nae melagaii Sisaria-Fili pai au ḡereḡerei. Maranai i nenae ma Iesu, taui i paridadanei, “Rava e ririwa; tau aiai?”
28Ma taui i paribelei, “Ḡelaui e ririwa da tam, John Taubabataito. Ma ḡelaui e ririwa Elijah. Ma ḡelaui e ririwa da peroveta wariaḡana tagogi.”
29Ma Iesu, taui i paridadanei, “Wate taumi, mena o notanotanei? O ririwa da tau aiai?”
Peter i paribelei, “Tam Keriso.” [Tauvilawana Godei]
30Iesu, taui ivi ḡaei da eḡa aiai ina riwei da tauna aiai.
Iesu ana iraḡe ma ana vomairi me i babaniei
(Mat 16:21-23; Luk 9:21)
31Ma Iesu i rau-karei da ana tauvotaḡotaḡo i giuni i pa, “Rava Natuna ina vinua-apoapoe kaua. Ma dogadogara, Pirisi Babadai ma Tarawatu Babadai, tauna ina parigeduaiei ma tauna ina iraḡe. Ma au pom tonuḡa au murina inavo mairi me.” 32Iesu jijimaninei wei kauai i bababaniei ma lamna au baina Peter, tauna i taravaini au ririva ma enana ivi karei. 33Wate Iesu i mae tavirei ma ana tauvotaḡotaḡo i inanai. Ma Peter i eni, i pa, “Satan ma nae au muriu! Tam am nota eḡa Godei ita nenei, eḡa da ravei.”
Iesu votaḡotaḡona anona
(Mat 16:24-28; Luk 9:23-27)
34Ma Iesu, patara ma ana tauvotaḡotaḡo i rau-kwatuei ma i riwei, “Mepa da aiai itavo taḡotaḡoiu. Tauna ina boviana melei ma ana korosi ina avarai ma inavo taḡotaḡoiu.#8:34 Wei lamna awanaina. Anona lamna Iesu ana tauvotaḡotaḡo anina vinimala ma apoapoei ina nelaḡai au baina taui, tauna ivo taḡotaḡoi. Tauna eḡa ita ririwa da ana tauvotaḡotaḡo au korosi ina iraḡe me tauna. 35Aiai ravana ana lawana etata jijini, ina vineboai. Ma aiai da ana lawana i verenei; tau ma Riwana Aiaina au baina. Tauna ana lawana ina vai-melei. 36Mepa da aiai: wei dobuna lawanana ma vigulauna ina vai pai; ma lawana Godei ina vineboai. Wei vigulauna, tauna menanare ina agunei? 37Wate aiwaiei am lawana ma gimara melei. 38Mepa da aiai: tau ma au viararamana inavi nimalei; ma i mae puputeu; ma ana ḡoanei kaua apoapoe ina kaukauei. Rava Natuna, tauna inavi nimalei maranaina ina nememei; Amana ana au boruma anela vivivirei maiteni.”
Obecnie wybrane:
Mark 8: WEDW
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
© (Active), Wycliffe Bible Translators, Inc. All rights reserved
