Popularne wersety biblijne z လက် 6

Udostępnij

ဘေ လုဝ် ဒွါ ဒွန် မျုဝ် ဒီ ဒူအီ ဟဝ်။ ပါယ် တီ ဇဝ်ဖြာ ဒီ ဘော ဒွါ ဒွန် မျုဝ် ဒီ ဘေ။ ပီ ဒီ ဒွါ ဇဝ်ဖြာ ဒီ ဘေ၊ န့ ယီ ကာလွှိုမ် ပီ ဒွါ အီ ဟဝ်။ န့ ပီ ဘေ မိုဝ်း ဘ့လဲ ဒီဂါဝ်။ အန် ဇဝ် ဒီ ကာခြုး ဘော ဒဲတ့်၊ တဲး န့ ကော ကာဒန်။ ပီ ပွိုန် ဘေ န့ ဒီ ကိူန် လွှိုမ် ပီ ဒွါ ဘေ။ န့ ပီ၊ ဘေ ဒီ ဘူင် ဒီ အီ မျုဝ် မှဝ်၊ ဘေ ဒီ ဝီ ပွိုန် မျုဝ် တီ။” ပါယ် တီ ဇဝ် ယေဆူ မာနုဝ် ဒီ ဂေ ဒီဘဲ အန်။

ဆေ န့ မိုဝ်း ဒူအီ မွှိုမ်၊ ခဲ့ ကွယ် နာ မွှိုမ် ခဲင် နဝ်း အန်၊ န့ ဒီ ဘော လေး။ ဆေ န့ ယီ မိုဝ်း ဒူအီ တူ မွှိုမ်၊ န့ ဒီ ဘော လေး ခဲ့ ကွယ် နာ တူ မွှိုမ် ခဲင် နဝ်း အန်။ ခဲ့ မိုဝ်း အီ ကွယ် နုဝ့် ခဲင် နဝ်း ဒူအီ၊ မူတ့် အန် မိူဝ် နပ် ဒီ ကာလာင် လွင် အန် တီ။

ဘေ ယီ တူ လုဝ် ဘူင် ပါယ် တီ။ ဘေ လုဝ် ရွက့် ရန်ဆူ ဘေ။ ဘေ လုဝ် ဘူင် နာ မွှိုမ် ဒီ ဂေ။ ဘေ လုဝ် တဲး ဒူအီ ဝါယ် ဒွန် မျုဝ် ဒီ ဘေ၊ ကွဲ့ တဲး ဘေ နှဝ့် န့ဒဝ့် ဂေ ဒီ ဝီ ဒွါ ဝိဝ် ဒီ ဘေ။ ဆေ ဘေ ဘူင် ပါယ် တီ၊ ဘေ ဒီ ပွိုန် ရုး ကိူန် နာ အာတ့် နီ ဟာဝ်။ န့ ဒီ ဘော လိုဝ်း ဆီချာ လွင် မုး ဘေ ဂွန် ဇဝ်ဖြာ အီ တာင် လွှိုမ် တူတ့်။ ခုဝ်၊ ဘော ဇဝ်ဖြာ ဘူင် နာ မွှိုမ် ဒီ ဂေ ဒူအီ ဟာယ် ဘော ဒီ ဂေ ဒူအီ အီ တူ လှုဝ်း ဂေဇူ အန်။

ဘေ လုဝ် ကာဝေ ဒူအီ၊ တဲး န့ ပီ ဂုန့် ဘေ ဟဲ့ ကာဝေ အီ ဟဝ်။

ကွဲ့ တဲး ဘေ ဆုင်ဖျာတ် ပီ ပါယ် အီ ဟဝ်။ ပါယ် တီ ဇဝ်ဖြာ မိူဝ် တူ ဆုင်ဖျာတ် ပီ ပါယ် ဘေ။ ကွဲ့ တဲး ဘေ ဒမ် မှာပ် ဒီ ဒူအီ ဟဝ်။ ပါယ် တီ ဇဝ်ဖြာ မိူဝ် တူ ဒမ် မှာပ် ဒီ ဘေ။ ဘေ ယီ လုဝ် ဂဝ်း ဝဲန် မှာပ် ဒူအီ ဟဝ်။ ပါယ် တီ ဇဝ်ဖြာ မိူဝ် ဒီ ဂဝ်း ဝဲန် မှာပ် ဘေ။

အုဝ် တဝ်း ဒီ ဘေ ဒူအီ အီ ထူမ် ဂြုဝ်း အုဝ် နီ၊ ဘေ လုဝ် ရွက့် ရန်ဆူ ဘေ။ ဘေ လုဝ် ဘူင် နာ မွှိုမ် ဒီ ဂေ ဒူအီ အီ ဇွင့် ဘေ။ ဘေ လုဝ် မွင့်ကာရာ တဲး ဒီ ဂေ ဒူအီ အီ ဒိူင် ဒီ ဘေ။ ဘေ လုဝ် ဆာခိုဝ် ဒါင် ဂေ ဒူအီ ဒီ ဘူင် နာ စာဝ် ဒီ ဘေ။

ဘေ ဆီ တဲး ဒူအီ ဟဝ် ဘူင် မျုဝ် မှဝ် ဒီ ဘေ၊ ဘေ ဝီ လုဝ် ဘူင် မျုဝ် တီ ဒီ အီ ဟဝ်။

ဆေ န့ မိုဝ်း ဒူအီ ဒီ ကာထ ကာလာ ဘေ အူ ဘ့လာက်၊ တဲး ဘေ ဝီ မာငး၊ တဲး အန် ကာထ ပေါ ဘ့လာက်။ ဆေ န့ ဘော မိုဝ်း ဒူအီ အီ ဖာတ် ဒိုဝ်း ဆီတုဝ် တာင် ဘေ၊ ဘေ လုဝ် ဝီ ဘုတ့် ဒွါ ဘော ဆီတုဝ် ဖိူန် နာ ခဲင် ဒီ အန်။ ဆေ ဒူအီ မှာန့် ဒွန် မျုဝ် ဒီ ဘေ၊ တဲး ဘေ ဒွါ ဒီ အန်။ ဆေ န့ မိုဝ်း ဒူအီ ဒိုဝ်း ကြုဝ် ဘေ ဒွန် မျုဝ်၊ ကွဲ့ မှာန့် တဲး အန် ဝီ ဒွါ ဝိဝ် ဒီ ဘေ။

န့ တူ မိုဝ်း ဟေ မွှိုမ်၊ အီ မိုဝ်း ဘ့လေ တူ မွှိုမ်။ န့ မိူဝ် တူ မိုဝ်း ဟေ တူ မွှိုမ်၊ အီ ဒီ မိုဝ်း ဘ့လေ မွှိုမ်။

ဟေ ဒွန် မျုဝ်၊ ဒူအီ နပ် အာမျုဝ် အန်၊ ဆေ ဂေ ယွတ် ဘ့လေ အန်။ ဒွန် အီ ဘော နပ်၊ အာဝ် ပွိုန် ဘေတ့် ဘ့လေ ဒီပူ ဒီ ဟေ ကြေန့်။ ဘော၊ ဘ့လေ မာငုန် အာဝ် ပွိုန် ဘေတ့် ဒီ ယွုန် မာအာတ့်။