အူ ဆီငဲ ဒေါ ကွယ် ဇဝ် ယေဆူ ခဲင် မိူင် အူ မိူင်၊ န့ ဘော မိုဝ်း ဒူအီ အူ ဝီ၊ အန် မိုဝ်း ဆဝ် ဒု။ ဒေါ ယိုဝ် အန် ဇဝ် ယေဆူ၊ အန် ခြိုပ်ခြဝ် ဒီ အာတ့် ဇဝ် ယေဆူ၊ မှာန့် ကာဆဝ် ဒီ အန် ဇဝ်။ အန် တဝ်း၊ “အိုယ် မဲ ဇဝ်၊ ဆေ မဲ မိုဝ်း နဝ်း ဆီ ဘူင်၊ မဲ ဘော ပဲ ပီကဲန် အုဝ်၊ တဲး အုဝ် ဆီငါ ဒူပ် ပီ ဒမ် ဒါရာ။”
အန် ဟဲ့ ဟွတ့် တဝ်း၊ ဇဝ် ယေဆူ ဘော ဒိုဝ်း ဒဲ အန် ဟာ ဒိုဝ် ဒူအီ ဆဝ် တီ။ အန် မိူဝ် တဝ်း၊ “အုဝ် ဟဲ့ ဆီ ဘူင်။ တဲး မဲ ကဲန်။” အန် ဟဲ့ ဟွတ့် ကာလာင် ဂြုဝ်း တီ၊ ဆဝ် ဒု အန် တီ မိူဝ် ဟြာယ် အူ ဇေန့်။