Popularne wersety biblijne z MAK 13

Udostępnij

Atwa kpaaŋ zhɛ ma hi ta ni i'ime iwe mi. Ama bụtụ na 'imɛ-isɛbwɛ tutu uce, ubwa zhɛ bo bino.

No shiyono ma eshe, iwɛnɛ te ehi mepi shi aka na shɛ aka ibɛ.

Aka na ɛɛ zhɛ mo hi sugo hwuŋ na agba ụshɛrɛya, kede ohwulu ihi herikeni iwɛ iyi nɛ ɛhi zhɛ hia duma o, ama iyi elele nɛ ee hi peni na aka ata, ibɛ du ɛhi zhɛ hia duma. Iwɛnɛ ti yaa shɛ shɛ ahiɛba hi zhɛ hia duma iwɛ ni ikɛnyi hiŋ, ama Mpiala mi Tijilo mi zhɛ ma duma.

Azuba tu unyizo zhɛ a kashɛka, ama n-ndumwa mi mi mi zha shɛ ma kashɛka kwukwuŋ.

Ama iwɛ ụjita ata, kwo kaa auwa ata, i zasa bụtụ be elele na mepi o, ta atumwa na namɛ na azuba, ti Yɛu ni ikɛnyi ibwɛ, semi Bishi kiri.

Kede shihwulu shi hi horukono na aka na ta ahia hwuga hwuŋ anabarɛ ajasa keeni erishi ajasa o. I shɛ tilɛɛ maa ijɛ ɛtɛ shɛ ya ndangana, ama shɛ ukwunanga ibɛ tɛ o.

Iwɛ ecilo ata no shiyono ma eshe, iwɛnɛ te ehi mepi shi aka na ta agwuma-ihwɛ e ci ujiyo, okwo nụ ụrụmɛ, okwo nụ ụjita tudwonu, okwo na aka na shalụma sha ugaga, kwo kaa nu uvwungwa. Iwɛ aka na bɛɛ zhɛ be gwure eshigiri, maa mo hi jitono to ohio woto malabụ. Iwɛ gɛ Omo hi mbiso bana, gobwonu du Omo mbiso atwa kpaaŋ maa, No shiyono ma eshe!

Iwɛnɛ tu udenji uko zhɛ wɛ hwɛyijɛ wa sukakana udenji unya, tugwama tu ko ti zhɛ tɛ hwɛyijɛ maa tu sukakanɛ tugwama ti nya, cɛnjɛ ti zhɛ to zhingotu no ofwo ofwo, atwa zhɛ a ya-imunɛ. Inɛ ɛtɛ kpaaŋ ta shɛ tukwuno tu ụbaụta.

I shɛ tilɛɛ maa e enengeni edenji elele Anabarɛ Ebiye tugwo hiiŋ.

Atwa ofwugwo zhɛ a 'waŋnɛ hwuŋ izeci mi a zhajɛ, ɛ hiɛŋ, Gamba n shɛ [ga Krast ata], iwɛ maa a inzhɛnjɛ atwa ofwugwo.

Ama no shiyono ma iwɛ ohiuhiu hiŋ eshe. Ɛ zhɛ mo hi sugo a pana ajɛmɛ-ụshɛrɛya, ɛ zhɛ mo hi dubogo no shimwono shɛ Tụ'ụlwatagwụ, hi zhɛ hio shikono na agba ehiu, ta agba shɛgwuma iwe mi, iwɛ maa hi n le tiseyida no ofwo aba.

Iwɛnɛ ta akrast tukata, te egesere tukata zhɛ a bala na aka ata, ɛ zhɛ na nda iyi tudama keeni arụhwajɛ, maa yaa shɛ yee timeni aŋ maa a inzhɛnjɛ okwo atwa na Agwatana go tolwo.

Ama na aba na tụ ụbaụta ata kwunanjɛ jita ata, uwaŋna zhɛ wo 'wo tishi, upiana zha shɛ wa ta o, mkpasụ mi zhɛ mu na waŋtatangwụ na cɛnjɛ, iwɛnɛ tu ukpahiŋ na namɛ na azuba wo zhingotu.