Popularne wersety biblijne z MAK 12

Udostępnij

Ge Jisus jishijɛ bụ, bɛɛ hiɛŋ, Unaa na hwuri a na vwɛ kpaaŋ na, ahiɛba atwa Isrɛl, shɛlaga ma, maa Agwangwama na shɛ Agwatana tu, ubwa shɛ Agwangwama mokondo, Bɛ shɛ bu no lubo Agwangwama na shɛ Agwatana bụ na amɛ bụ kpaaŋ, to ohwulu bu kpaaŋ, ta ahaŋsa bụ kpaaŋ, ti ikɛnyi bụ kpaaŋ. Una uyebi ubwa na maa, Bɛ shɛ bu no lubo uyebi bu gana na obu momo lubo. Unu-tupana na te hwuri una ga zasaba ya o.

Nazhɛ ge Jisus suyanɛ eseshi-iyi ubwa no ofwo ubwa, bɛɛ hiɛŋ aŋ, Iwɛ-tɛkana Omo hi mbiso maa, bululo ga i shɛ bukofwo, bu zweni ukwuribi ni ikpɛtɛ gɛ uhwuri atwa elele na zweni ukwuribi ni ibɛ. Iwɛnɛ ta atwa kpaaŋ tarɛ iyi nɛ hwuleji aŋ nazhɛ ee zweni ni ikpɛtɛ gɛ, ama biyikwo ga suje iyi elele nɛ 'nyananɛ bu bee zweni na amɛ ibɛ.

Ti ge Jisus jɛjɛ geri-be-eshe bu umwono ukwuribi na namɛ nu Umwono wa Agwatana, baa ngbaracɛ gana na ta atwa ofwugwo o zwono ukwuribi ni ikpɛtɛ ukwuribi. Azhɛgba ofwugwo zweni ukwuribi duwa. Ama bululo bu ko na shɛ bukofwo zhajɛ du, bee zweni anɛnɛ eyebi.

Maa ga bụtụ no lubo Agwatana na amɛ ubwa kpaaŋ, to ohwulu ubwa kpaaŋ, ta ahaŋsa ubwa kpaaŋ, ti ikɛnyi ibwɛ kpaaŋ, maa go bu no lubo du uyebi ubwa gana na tu boo momo lubo, inɛ ɛtɛ hwuri arụpɛ tuhwoŋzhingo we elele keeni arụpɛ na vwɛ kpaaŋ.

Ge Jisus jishijɛ aŋ, bɛɛ hiɛŋ, Iyi elele nɛ shɛ inɛ Sisa, pana ma Sisa, iyi elele nɛ kaa i shɛ inɛ ya Agwatana, pana ma Agwatana. Nazhɛ n-ndumwa mu na ge Jisus jɛmɛ mu dama aŋ duwa.