<div class="version vid1368 iso6393kpg" data-vid="1368" data-iso6393="kpg">
    <div class="book bkGEN">
        <div class="chapter chINTRO1" data-usfm="GEN.INTRO1">
            <div class="imt1"><span class="content">Di haga&#8239;modongoohia:</span></div><div class="im"><span class="content">Di ingoo bolo </span><span class="bk"><span class="content">Genesis</span></span><span class="content"> dono hadinga bolo &#8220;Taamada&#8221;. Di beebaa le e&#8239;helekai i taamada o&#8239;nia mee huogodoo ala i&#8239;di langi mo henuailala, mo taamada o&#8239;nia daangada, taamada di huaidu mo&#8239;di hagaduadua o henuailala, mo&#8239;di hai a God ang&#8239;gi nia daangada. Genesis le e&#8239;wwae lua:</span></div><div class="ip"><span class="content">1) </span><span class="it"><span class="content">Di mada 1&#8212;11: </span></span><span class="content"> Di hai o henuailala mo&#8239;di kai o&#8239;nia daangada ala matagidagi. Aanei la&#8239;go di kai o Adam mo Eve, Cain mo Abel, Noah mo toloo damana, mo&#8239;di Angulaa i Babylon.</span></div><div class="ip"><span class="content">2) </span><span class="it"><span class="content">Di mada 12&#8212;50: </span></span><span class="content"> Di kai o&#8239;nia damana&#8239;mmaadua o Israel. Tangada matagidagi i digaula la&#8239;go Abraham dela gu&#8239;modongoohia mai i dono hagadonu mo dono hagalongo gi God. Ga&#8239;duudagi gi&#8239;di kai o dana dama&#8239;daane go Isaac, mo tama&#8239;daane Isaac go Jacob (dela e&#8239;haga&#8239;ingoo labelaa bolo Israel), mo nia dama&#8239;daane Jacob madangaholu maa&#8239;lua. Aalaa go digau ne&#8239;hai nia madawaawa madangaholu maa&#8239;lua o Israel. Di mee hagalabagau labelaa i&#8239;lodo di beebaa deenei la&#8239;go tama&#8239;daane Jacob go Joseph mo dono kai dela ne&#8239;laha&#8239;mai a Jacob mo ana dama&#8239;daane ala i&#8239;golo mo nadau gau, belee noho i Egypt.</span></div><div class="ip"><span class="content">Di beebaa deenei dela e&#8239;kai di hai o&#8239;nia daangada, gei di mee koia e&#8239;hagalabagau la&#8239;go di hai o&#8239;nia mee a God ala ne&#8239;hai. Di beebaa deenei e&#8239;daamada i&#8239;di hai a God dela ne&#8239;hai nia mee huogodoo i&#8239;di langi mo henuailala, mo&#8239;di haga&#8239;lawa di beebaa deenei gaa&#8239;hai di hagababa a God bolo Ia gi&#8239;dee dugu dana benebene ana daangada. Lodo di beebaa deenei, di mee damana la&#8239;go di hai a God dela e&#8239;hagi&#8239;aga ge e&#8239;hagaduadua digau ala e&#8239;hai di huaidu, ge e&#8239;hagamaamaa ana daangada, ge e&#8239;daahi gi&#8239;humalia di kai o nadau hagadili. Di beebaa namua deenei la&#8239;ne&#8239;hihi belee daahi di hagadonu o&#8239;nia daangada, ge e&#8239;daahi di hagadonu gi&#8239;iloo nia daangada.</span></div><div class="iot"><span class="content">Di hagahonu di beebaa deenei:</span></div><div class="io1"><span class="content">Di hai ne&#8239;hai&#8239;ai nia mee ala i&#8239;di langi mo henuailala </span><span class="ior"><span class="content">(</span><span class="content">1.1&#8212;2.25</span><span class="content">) </span></span></div><div class="io1"><span class="content">Taamada o&#8239;di huaidu mo&#8239;di hagaduadua </span><span class="ior"><span class="content">(</span><span class="content">3.1-24</span><span class="content">) </span></span></div><div class="io1"><span class="content">Mai Adam gaa&#8239;huli gi Noah </span><span class="ior"><span class="content">(</span><span class="content">4.1&#8212;5.32</span><span class="content">) </span></span></div><div class="io1"><span class="content">Noah mo toloo damana </span><span class="ior"><span class="content">(</span><span class="content">6.1&#8212;10.32</span><span class="content">) </span></span></div><div class="io1"><span class="content">Di Angulaa i Babylon </span><span class="ior"><span class="content">(</span><span class="content">11.1-9</span><span class="content">) </span></span></div><div class="io1"><span class="content">Mai Shem gaa&#8239;hana gi Abraham </span><span class="ior"><span class="content">(</span><span class="content">11.10-32</span><span class="content">) </span></span></div><div class="io1"><span class="content">Nia damana&#8239;mmaadua: Abraham, Isaac mo Jacob </span><span class="ior"><span class="content">(</span><span class="content">12.1&#8212;35.29</span><span class="content">) </span></span></div><div class="io1"><span class="content">Di hagadili ni Esau </span><span class="ior"><span class="content">(</span><span class="content">36.1-43</span><span class="content">) </span></span></div><div class="io1"><span class="content">Joseph mo ono duaahina&#8239;daane </span><span class="ior"><span class="content">(</span><span class="content">37.1&#8212;45.28</span><span class="content">) </span></span></div><div class="io1"><span class="content">Digau Israel i Egypt </span><span class="ior"><span class="content">(</span><span class="content">46.1&#8212;50.26</span><span class="content">) </span></span></div>
        </div>
    </div>
</div>

Di haga modongoohia:
Di ingoo bolo Genesis dono hadinga bolo “Taamada”. Di beebaa le e helekai i taamada o nia mee huogodoo ala i di langi mo henuailala, mo taamada o nia daangada, taamada di huaidu mo di hagaduadua o henuailala, mo di hai a God ang gi nia daangada. Genesis le e wwae lua:
1) Di mada 1—11: Di hai o henuailala mo di kai o nia daangada ala matagidagi. Aanei la go di kai o Adam mo Eve, Cain mo Abel, Noah mo toloo damana, mo di Angulaa i Babylon.
2) Di mada 12—50: Di kai o nia damana mmaadua o Israel. Tangada matagidagi i digaula la go Abraham dela gu modongoohia mai i dono hagadonu mo dono hagalongo gi God. Ga duudagi gi di kai o dana dama daane go Isaac, mo tama daane Isaac go Jacob (dela e haga ingoo labelaa bolo Israel), mo nia dama daane Jacob madangaholu maa lua. Aalaa go digau ne hai nia madawaawa madangaholu maa lua o Israel. Di mee hagalabagau labelaa i lodo di beebaa deenei la go tama daane Jacob go Joseph mo dono kai dela ne laha mai a Jacob mo ana dama daane ala i golo mo nadau gau, belee noho i Egypt.
Di beebaa deenei dela e kai di hai o nia daangada, gei di mee koia e hagalabagau la go di hai o nia mee a God ala ne hai. Di beebaa deenei e daamada i di hai a God dela ne hai nia mee huogodoo i di langi mo henuailala, mo di haga lawa di beebaa deenei gaa hai di hagababa a God bolo Ia gi dee dugu dana benebene ana daangada. Lodo di beebaa deenei, di mee damana la go di hai a God dela e hagi aga ge e hagaduadua digau ala e hai di huaidu, ge e hagamaamaa ana daangada, ge e daahi gi humalia di kai o nadau hagadili. Di beebaa namua deenei la ne hihi belee daahi di hagadonu o nia daangada, ge e daahi di hagadonu gi iloo nia daangada.
Di hagahonu di beebaa deenei:
Di hai ne hai ai nia mee ala i di langi mo henuailala ( 1.1—2.25 )
Taamada o di huaidu mo di hagaduadua ( 3.1-24 )
Mai Adam gaa huli gi Noah ( 4.1—5.32 )
Noah mo toloo damana ( 6.1—10.32 )
Di Angulaa i Babylon ( 11.1-9 )
Mai Shem gaa hana gi Abraham ( 11.10-32 )
Nia damana mmaadua: Abraham, Isaac mo Jacob ( 12.1—35.29 )
Di hagadili ni Esau ( 36.1-43 )
Joseph mo ono duaahina daane ( 37.1—45.28 )
Digau Israel i Egypt ( 46.1—50.26 )

Słuchaj Genesis Di haga modongoohia:

Słuchaj Genesis Di haga modongoohia: