Yaþ 33
33
Jakob kï Esaw lan nooj nat
1Jakob un kumïn kïdõ nølïn lo, na oo Esaw ndï ðe kï deg þusøø nat sen. Kamla keg ngan'g ad Lea kï Rasel kï þerg kïdë kïjoo. 2Nda þerg kïdë kï ngandg kete, kamla Lea kï ngana, na Rasel kï Jojep utïn god. 3Jakob kïþe tøi kete nõdt, øsï døn ber nja tanãimïta, mbã ndøtïn kï ro ngonkõnt nderrbe. 4Esaw ãi ngød ndøda, so køat, kuia kï ront, nju taa, na nõn ngãi. 5Kamla Esaw un kumïn kïdõ, oo dekïdëg kï ngan'g, na el an: Îgïn în sei nat ye, în nõg a? Jakob tur an: În ngan'g kï Luwah ad þer loi kïgo ða majt lon. 6Kamla þerg kïdë ndøtïn kï roat, în kï ngandg, na øsïn død ber. 7Lea kï nganïn ndøtïn kï roat øsïn død ber ho. Got gog Jojep kï Rasel ndøtïn kï roat, øsïn død ber ho.
8Esaw ndïjea an: Ði i ndig ða kï þut nyakulg tube'n m'ndød'd a? Jakob tur an: I kïtakad m'ngah'n maj takum ngeemt. 9Esaw el tø an: Nyag lom asïm ngonkom, i ngom nyag loi kïtai. 10Jakob tur an: A'a, m'køi, îla m'ngah maj takumit a ne, i taa kadkari 'nten jimt, kïta m'oo takumi tit'n hã de a oon takum Luwah, na i høm kï roit kï kamnda. 11M'køi kï i taa kadkari lom kï m'ðen m'adi kïta Luwah ða sem maj ad nyag lom asïm. Ðà Esaw bee ada taa kadkari loa.
12Esaw el an: Ad kï þai j'awïn, na m'a m'ndia garit. 13Jakob tur an: Ngeem i ger, ngan'g în kïdu. Kamla m'aw kï batg kï kõ mang'n ngandg a ilïn mba. Îla j'ad'd ndian tøi dø tøgd ke kam ndøt kïkïðabe ka a ne, nyakul kï dugïn non a oin tube. 14M'køi ngeem, kï i tøi kete nõ þert loi, na mî m'aw goit jenjen kïgo ndiat lo nyakulg'n în nomt, kïgo ndiat lo ngan'g mbã m'tee þe lo ngeem døning Seirt. 15Esaw el an: Ad m'nyà gaj deg lom m'adi kad În nat sei. Na Jakob tur an: Kad ðan ði? Adïm m'ngah maj takum ngeemt koon. 16Kam ndøt'n non la Esaw so ðobo tel aw døning Seirt gog.
17Na Jakob þai aw lot kï Sukot ad i lo kujkámg, ða kuj lon. Ða kølg kïta nyakulg lon nu ho. Kïtø 'nten la kunïn ne lo'n non kølg ye. 18Go teka døning Padan Aramt, Jakob aw tee þebot kï Sikem kïkam døning Kanaat kï kamkïsokïber, na hølondï kad þebot'n non. 19Jakob ndugo gaj døning mad ji ngan Hamørt kï bøw Sikem kï nar kïndà þu kïða, na ða kujkub lon tit ad ða dõ. 20Ðà dïngïr la kadkari lot'n non, na ndah tø dïngïr'n non an: El Elohe Israel ad i: Luwah lo Israel.
Currently Selected:
Yaþ 33: MB80
Highlight
Share
ਕਾਪੀ।
Want to have your highlights saved across all your devices? Sign up or sign in
BIBLE MBAÏ © 1980 Alliance Biblique du Tchad.