Va'Atəŋ 33
33
Yakob aləmək də Esaw
1Yakob aslan haran, awla Esaw əzzani, ɗiy tahəŋ dəndən səkat poɗo. Ndən wəɗekgit kirin a weleŋgit may Le'a dət Rakel gəm belemɗe sula neki. 2Belemɗe atoŋgit abe dit kirtiti, sissiŋ Le'a dit kirtita, gəm Rakel də Yosef. 3Ndən dəvan dətoŋ abeti, agduk afuŋ gap təl buhulu, ka dəgapgən go'o aza məlməni. 4Esaw anzanək ələmsəni, arma kərrəmə, azlah ama wəlan dəllamən a makrani; ahəmaŋgə. 5Sissiŋ Esaw asilgən haran awle gil dit kirni. Aɓsən na: «May nawaŋ azokiŋ di?» Yaŋ amna: «Kirin məs Maŋgəlva avay də mbəlembəle nan in balam nokəŋgə.»
6Belemɗe dit kirtit adereŋgək go'o, yas appu'oŋgu. 7Le'a dit kirtət təderik go'o tamə, appu'oŋgu. Sissiŋ Yosef dət Rakel adereŋgək go'o, Appu'oŋ tamə. 8Esaw amna: «Miy kədaɗɗa dit gazlaŋɗe nələmsit pakiŋ di?» Yakob amna: «Maw aka kulagən sasãhwa daya nawa.» 9Esaw amna: «An naw kaka' məkguwi məlmuwa; an nok dəsan suko!» 10Yakob azlan sən na: «Awwo, kamə! Va kuluwək sãh na, ataf əvəl an nədapsuko. Adan nulak horok va adawlaŋ hara Maŋgəlva, kətafwək lewlewi, 11ataf wəzaɓ naw an nəki suko, kamə vi Maŋgəlva yi dəboru apsuwa; vi an na wərayu pak tay.»
Yakob ampak tələn azan təkə, Esaw atafəka. 12Esaw amna: «Damə, agəm səm tive wanəlhõko.» 13Yakob azlan sən na: «Kəsənək wən net kirin tuwãhi daya nawa, in tat dit timeŋgiɗ gəm wasliɗe muhuriti, aɓapaŋ na, kawket pay taka ləŋ ɓa, kirtit wamtaŋgə. 14Va wagəɗ na, ɗəf daya naw dətoŋ aba balam nani. Naw na, nəmbatgən telle va wədaw net zəgeɗ nabawa, va wədaw net kirni, hã nəgapgən aza ɗəf daya naw a Se'ir.» 15Esaw aɓsən na: «Maw aka əppa ɗiy meɓɓet məs dəlhãwən azoko.» Yakob amna: «Kawtər miy sam di? Naw nəŋgəl na, daya naw dəboru kaka'ə.»
16Dəpaska'e ləŋ Esaw agəm tive namndan a Se'ir, 17na Yakob ambat a Sukkot, yas arkə gəla nan adak dit guɗukɗe sən zəga mamayã nani; vini aya təki van na Sukkot, va wənəh na guɗukɗe.
Yakob asanək go'o də Sikem
18Yakob ade zeŋleŋge a walaŋgəla-metiŋ na Sikem aka dələv na Kana'an, ya nan sə təki məpəlayya na Paddan-Aram ade yaŋ ampa gizlirke nan a mahara gəla metiŋ. 19#YOS 24:32; YOH 4:5Albahək təki nampa gizlirke nan səvet kirtin Hamor afən Sikem dit koɓeɗ na təbəz babar səkatə. 20Arkək təki nawzaɓ-Maŋgəlva adaka, aya na «El, Maŋgəlva na Israyel.»
Currently Selected:
Va'Atəŋ 33: GB
Highlight
Share
ਕਾਪੀ।
Want to have your highlights saved across all your devices? Sign up or sign in
All right reserved