Fuɗɗoode 5
5
Ƴuwdi Aadama faa hewti Nuuhu
1Inan binndi kollooji ƴuuruɓe e Aadama:
Nyannde Laamɗo tagunoo yimɓe ndeen, o tagi ɓe hono alhaali makko noon. 2O tagi gorko e debbo, o barkini ɓe de o inndiri ɓe «Tagaaɓe».
3Nde Aadama wuurnoo duuɓi 130 ndeen, heɓi ɓiɗɗo gorko e alhaali muuɗum, nannduɗo e muuɗum. O inndiri oon Siita. 4Caggal rimeede Siita, Aadama wuuri duuɓi 800. O rimi ɓiɓɓe worɓe e rewɓe. 5Duuɓi Aadama fuu wo 930, de maayi.
6Nde Siita wuurnoo duuɓi 105 ndeen, heɓi ɓiɗɗo gorko bi'eteeɗo Enos. 7Caggal rimeede Enos, Siita wuuri duuɓi 807. O rimi ɓiɓɓe worɓe e rewɓe. 8Duuɓi Siita fuu wo 912, de maayi.
9Nde Enos wuurnoo duuɓi 90 ndeen, heɓi ɓiɗɗo gorko bi'eteeɗo Kenan. 10Caggal rimeede Kenan, Enos wuuri duuɓi 815. O rimi ɓiɓɓe worɓe e rewɓe. 11Duuɓi Enos fuu wo 905, de maayi.
12Nde Kenan wuurnoo duuɓi 70 ndeen, heɓi ɓiɗɗo gorko bi'eteeɗo Mahalalel. 13Caggal rimeede Mahalalel, Kenan wuuri duuɓi 840. O rimi ɓiɓɓe worɓe e rewɓe. 14Duuɓi Kenan fuu wo 910, de maayi.
15Nde Mahalalel wuurnoo duuɓi 65 ndeen, heɓi ɓiɗɗo gorko bi'eteeɗo Yared. 16Duuɓi Mahalalel caggal rimeede Yared wo 830, o rimi ɓiɓɓe worɓe e rewɓe. 17Duuɓi Mahalalel fuu wo 895, de maayi.
18Nde Yared wuurnoo duuɓi 162 ndeen, heɓi ɓiɗɗo gorko bi'eteeɗo Henok. 19Caggal rimeede Henok, Yared wuuri duuɓi 800, o rimi worɓe e rewɓe. 20Duuɓi Yared fuu wo 962, de maayi.
21Nde Henok wuurnoo duuɓi 65 ndeen, heɓi ɓiɗɗo gorko bi'eteeɗo Matusala. 22Caggal rimeede Matusala, Henok wuuri duuɓi 300, e ley ɗum fuu imo wondi e Laamɗo. O rimi ɓiɓɓe worɓe e rewɓe 23Duuɓi Henok fuu wo 365. 24Henok wuuri ina wondi e Laamɗo. Caggal ɗuum, o yi'aaka, sabo Laamɗo adii mo.
25Nde Matusala wuurnoo duuɓi 187 ndeen, heɓi ɓiɗɗo gorko bi'eteeɗo Lamek. 26Caggal rimeede Lamek, Matusala wuuri duuɓi 782, o rimi ɓiɓɓe worɓe e rewɓe. 27Duuɓi Matusala fuu wo 969, de maayi.
28Nde Lamek wuurnoo duuɓi 182 ndeen, heɓi ɓiɗɗo gorko. 29O inndiri oon Nuuhu#5:29 Innde Nuuhu e Ibraninkoore ina fiirta «waaltinde hakkillo».. O wi'i:
— Oon waaltinan hakkillooji meeɗen e ley golleeji men e tampiri juuɗe meeɗen dow leydi ndi Joomiraaɗo huɗi ndiin.
30Caggal rimeede Nuuhu, Lamek wuurii duuɓi 595. O rimi ɓiɓɓe worɓe e rewɓe. 31Duuɓi Lamek fuu wo 777, de maayi.
32Duuɓi Nuuhu wo 500, de rimi Saam e Haam e Yaafet.
Currently Selected:
Fuɗɗoode 5: FBF
Highlight
Share
Copy
Want to have your highlights saved across all your devices? Sign up or sign in
© SIM International 2012, 2022