Tes Haujlwm 1

1The-aufilaus:

Nyob rau hauv kuv thawj phau ntawv, kuv sau txog txhua yam uas Yexus tau ua thiab tau qhia txij thaum uas Nws pib ua haujlwm #Lukas 1:1-4 2mus txog rau hnub uas Vajtswv coj Nws mus saum ntuj. Uantej Nws yuav rov mus saum ntuj, Nws tau qhia rau cov timthawj uas Nws tau xaiv cia lawm los ntawm Vaj Ntsujplig tus Dawbhuv lub hwjchim. 3Plaubcaug hnub tomqab uas Nws sawv hauv qhovtuag rovqab los, Nws yeej los tshwm rau lawv pom ntau zaug, ua rau lawv paub tias Nws tseem muaj sia nyob. Lawv tau pom Nws thiab Nws nrog lawv tham txog Vajtswv lub Tebchaws. 4Muaj ib zaug, thaum Nws tseem nrog lawv nyob,#1:4: thaum Nws tseem nrog lawv nyob; lossis thaum lawv tuaj nyob uake; lossis thaum Nws tseem tabtom nrog lawv noj mov uake. Nws hais rau lawv tias, “Nej tsis txhob tawm hauv lub nroog Yeluxalees mus, tiamsis nej yuavtsum nyob tos qhov khoomplig uas Kuv Txiv tau coglus tseg lawm; qhov ntawd Kuv twb qhia rau nej lawm. #Lukas 24:49 5Yauhas muab nej ua kevcai raus los ntawm dej, tiamsis ob-peb hnub tomntej no, nej yuav tau ua kevcai raus los ntawm Vaj Ntsujplig Tus Dawbhuv.” #Math 3:11; Malak 1:8; Lukas 3:16; Yauh 1:33

Vajtswv Coj Yexus Mus Saum Ntuj

6Thaum cov timthawj nrog Yexus nyob uake, lawv nug Nws hais tias, “Tus Tswv, lub sijhawm no, Koj yuav muab lub Tebchaws rov rau cov Yixalayees lov?”

7Yexus teb lawv hais tias, “Tsis tag nej yuav paub txog lub sijhawm thiab lub caij uas Leejtxiv tau teem tseg los ntawm Nws lub hwjchim lawm. 8Tiamsis thaum Vaj Ntsujplig tus Dawbhuv los rau saum nej lawm, nej yuav tau txais hwjchim, thiab nej yuav ua Kuv li timkhawv nyob rau hauv nroog Yeluxalees, thoobplaws txhua qhov hauv lub xeev Yudas, xeev Xamalis, thiab mus txog qabntuj kawg.” #Math 28:19; Malak 16:15; Lukas 24:47-48 9Tomqab Yexus hais li ntawd tag, thaum lawv tseem ntsiantsoov Nws, ces Vajtswv txawm coj kiag Nws mus rau saum ntuj, thiab muaj ib tauv huab los roos Nws, ua rau lawv tsis pom Nws lawm. #Malak 16:19; Lukas 24:50-51

10Thaum lawv tseem tabtom ntsiantsoov Yexus mus rau saum ntuj, txawm muaj ob tug txivneej hnav ristsho dawbpaug los sawv kiag ntawm lawv ib sab 11thiab hais tias, “Cov neeg Kalilais, nej sawv ntawm no ntsia saum ntuj ua dabtsi? Yexus tus uas Vajtswv tau coj tawm ntawm nej mus rau saum ntuj lawm, yeej yuav rovqab los ib yam nkaus li qhov uas nej pom Nws mus rau saum ntuj lawm ntag.”

Tus Uas Hloov Yudas Chaw

12Thaum ntawd ces cov timthawj txawm rovqab pem Roob Txiv Ntoo-Roj los rau hauv lub nroog Yeluxalees. Lub roob ntawd nyob nrug deb ntawm lub nroog kwvlam li 1 kilumev.#1:12: 1 kilumev lossis 1 ntsuas kev uas hnub Xanpataus tsocai rau neeg taug kev. 13Thaum lawv los txog hauv lub nroog Yeluxalees, lawv txawm nce mus rau saum chav uas lawv ibtxwm nyob. Lawv cov ntawd yog: Petus, Yauhas, Yakaunpaus, Asnrus, Filiv, Thaumas, Npataulaumais, Mathais, Yakaunpaus uas yog Alafais tus tub, Ximoos tus uas xav kom nws lub tebchaws muaj kev ywjpheej, thiab Yudas uas yog Yakaunpaus tus tub. #Math 10:2-4; Malak 3:16-19; Lukas 6:14-16 14Lawv cov no nrog rau ib cov pojniam thiab nrog rau Malis uas yog Yexus niam thiab Yexus cov kwv pheej tuaj uake thov Vajtswv hauv chav tsev ntawd tsis tseg.

15Ob-peb hnub tomqab ntawd cov ntseeg tuaj sablaj uake, lawv muaj kwvlam li 120 leej, ces Petus txawm sawvntsug hais rau sawvdaws 16hais tias, “Cov kwvtij, yeej yuav muaj rawsli Vajtswv Txojlus uas Vaj Ntsujplig tau qhia rau vajntxwv Daviv hais txog Yudas tus uas coj neeg kev mus ntes Yexus. 17Yudas yeej yog ib tug hauv peb pab, thiab nws yeej raug xaiv los nrog peb ua haujlwm uake.”

( 18Cov nyiaj uas Yudas tau los ntawm nws txoj kev ua phem, nws muab yuav ib thaj av. Qhov chaw ntawd yog qhov uas nws lub cev tau poob los tuag; nws lub plab thiaj tawg thiab hnyuv tawm tag huv tibsi. #Math 27:3-8 19Txhua tus neeg uas nyob hauv lub nroog Yeluxalees hnov txog zaj no, lawv thiaj hu thaj av ntawd rawsli lawv yam lus uas yog hu ua Akedamas, txhais hais tias, “Thaj Av Ntshav.”)

20“Twb muaj lus sau tseg rau hauv phau Ntawv Nkauj hais tias,

“ ‘Thov kom nws lub tsev nyob khoob lug;

thov kom tsis txhob muaj leejtwg nyob rau hauv lub tsev ntawd li.’

Thiab muaj dua ib nqe hais tias,

‘Thov kom lwmtus los hloov nws lub chaw ua haujlwm.’ #Nnkauj 69:25; Nnkauj 109:8

21“Yogli ntawd, peb yuavtsum xaiv ib tug uas yeej ibtxwm nrog peb uake thiab nrog peb tus Tswv Yexus mus rau ub rau no, 22txij thaum Yauhas muab neeg ua kevcai rausdej#1:22: Yauhas muab neeg ua kevcai rausdej lossis Yauhas muab Nws ua kevcai rausdej. los txog rau hnub uas Vajtswv coj Yexus mus saum ntuj. Tus ntawd yuavtsum nrog peb ua timkhawv txog Yexus kev sawv hauv qhovtuag rovqab los.” #Math 3:16; Malak 1:19; Lukas 3:21; Malak 16:19; Lukas 24:51

23Yogli ntawd, lawv thiaj taw tau ob tug txivneej los: ib tug yog Yauxej uas hu ua Npaxanpas (nws kuj muaj ib lub npe hu ua Yuxatus thiab), thiab ib tug yog Mathias. 24Lawv txawm thov Vajtswv hais tias, “Tus Tswv, Koj yog tus uas paub txhua tus lub siab, thov Koj qhia rau peb seb ob tug no, Koj tau xaiv tus twg 25los ua ib tug timthawj hloov Yudas chaw, uas yog tes haujlwm uas nws tau muab tsotseg thiab mus rau qhov chaw uas yeej yog nws lub lawm.” 26Ces lawv txawm rho ntawv seb ob tug ntawd tau tus twg. Lawv rho tau Mathias, ces nws txawm los nrog kaum-ib tug timthawj ntawd koom uake.

Currently Selected:

Tes Haujlwm 1: MWW2022

Highlight

ਕਾਪੀ।