Popular Bible Verses from Ol Provep 14

Share

Aa medalomame gupa kone imi: Nimuna pema yae rayo epe ta kone sua peme. Go yapare nimumi pama pama pua omalimi.

Aa meda nipu pu robaa kumapu pawa ina pirualiare nipuna to yogaene page epealia. Go yapare aa meda nipumi wae agaa loa oro yalo oyae epame omape kone sualiare wae yaina go aa nipu madaa pupua nipuna uni luabu mada maopaya.

Aa meda nipu ratu aipapulu nayaweare go aa nipu ora epe kone waru ia. Go yapare ratu yawe aa maeyae kone ora epe ta kone ia.

Epe kone ia oname nipuna ada-para page epe kogono pea. Go koneme nipuna nogo naaki onaa luabu raapu puri mapabawa epe-rupa pimi. Go yapare ona meda nipu epe kone nasaliare nipuna bipa nipuna nogo naaki ada oyae luabu ma-oyaawa wae-rupa pitimi.

Aa meda nipu Adaa Aa-na agaa ratua kumapi-rupa piraliare nipu oyae meda palame na-omalia. Goa pua nipuna nogo naakinu page nimu luabu epe-rupa piralimi.

Adaa Aa-na agaa pagoa nipu ratapena konere ipa laipi kagaa piraama lama popena re yade. Go kone i aanu madaa wae yaenu naepalia. Go pua mo wae yaenu epolalo palia page mada mapakealia.

Epe kone i aa nipumi nipuna kone waru suruboa nipu madaa wae yae ora naepena kone ia. Wae aame re oyae rayo pa epeta kione sua rayo pa palua kone sua pa pama pea. Nipu wae aa yade kone page na-ia.