Popular Bible Verses from Matthieu 18

Share

Kerɔte kuwe, loo ke dooge joo éké mute kebi nan se ri’m ɓaa, m’ee dann de’t non.

Kerɔte kuwe, man m’tel m’ede sei ɓai, ke nè á dooge joo dann si’t dè nang nè umi tà le de nan’t le deji nyan ke bain-bain géa, Bɔ’m ke ndi danrán à ade de nyan nè nga kuwe.

Jésu ɓar ngonn ke dap bè unde’n dann de’t ede nè: – Kerɔte kuwe, man m’ede sei ndàt, ke nè á i turi hal si, i teli i tooi asinan se ngannge ke dap-dap lé ɓaa, a ulei dè si kêm Konɓee ke danrán ndan lé.

Nanan ke ule dè’n tite ngonn ke dap nè ɓaa, è nè á à è doo ke à dum dè madennge kêm Konɓee ke danrán.

Doo ke uwe ngonn karé ke dap tite njè ke nè ke rann’t se ri’m man ɓaa, è man kuwe á uwe’m ke rann’t non.

Kerɔte kuwe, man m’ede sei ndàt, nyan malang ke sei ɔgi ra dè nang nè nga, Nube à ɔge tɔ. Nyan malang ke sei inyei loo adi dooge rai dè nang nè nga, Nube à inye loo kade dooge rai tɔ.

Jésu ede de ede nè: – Ke nè á nanan dann si’t ade kêm’n tin mbit dè ngokonn’t se kêmnda káng lé ɓaa, Bɔ’m ke danrán géa à ra se’n titeke bè kuwe tɔ.

Nanan ke tel ra’n ke jig tuge nja ngonn karé dann njé ke undei kêm de dèm’t ade oso dann kaiya’t ɓaa, è soo’t le tɔ́ kuberi mbal ke bò kɔbenn’t ɓita kunn’n kile’n dunge ba-bò’t kade ndui mann wei kɔke.

Ké tà ri á sei giri dè tà’t nè nga wa? Doo karé aw se kon batege aru karé. Kon bate ke karé ndem dann madege’t. Ké doo nè nga à inye njé ke kɔr-jisɔ-jimi-gidé-jisɔ-jimi nè dè mbal’t le kaw sang kon bate ke ndem nga lé wa?