Popular Bible Verses from Lioka 19

Share

fa ny hitady sy hamonjy ny very no nahatongavan’ny Zanak’olona.»

«Hankalazaina anie, hoy izy ireo, ny Mpanjaka avy, amin’ny Anaran’ny Tompo! Fiadanana anie any an-danitra, ary voninahitra anie amin’ny Avo Indrindra!»

Dia hoy i Jesoa taminy: «Tonga amin’ity trano ity androany ny famonjena, satria zanak’i Abrahama koa ity lehilahy ity

Nony mby teo i Jesoa dia niandrandra ka nahita azy, ary nanao taminy hoe: «Ry Zake, midìna haingana, fa tsy maintsy hiantrano ao aminao Aho anio.» Dia nidina haingana izy ka nandray Azy tamin-kafaliana.

Fa i Zake kosa nijoro nanao tamin’ny Tompo hoe: «Tompoko, indro ny antsasaky ny fananako omeko ny mahantra, ary raha misy zavatr’olona nalaiko tsy an-drariny dia honerako inefatra hoatra azy.»

Ary ny Farisianina sasany izay teo amin’ny vahoaka nanao taminy hoe: «Ry Mpampianatra ô, rarao re ny mpianatrao!» Fa novaliany hoe: «Lazaiko aminareo fa raha mangina ireo, dia hiantsoantso ny vato.»