Popular Bible Verses from MATAIVO 27

Share

Dai aidʌ coi gʌʌsʌco gʌgʌrʌ iiña ʌSuusi daidʌ icaiti: ―Eloi, Eloi, lama sabactani ―ascaiti. Asmaacʌdʌ itʌiya ʌlidi giñDiuusiga, giñDiuusiga ¿tuipʌsi giñdagito? astʌiya ʌlidi.

Vaidʌ ʌgʌʌ icusi ismaacʌdʌ ʌgʌʌ quiuupaigadʌrʌ judidíu sagiʌcatadai ʌpan ʌʌsi covocami ʌmo sueeyi dai ʌraana sʌʌli sarai tʌcavidʌrʌ abiaadʌrʌ mʌtana ucami. Dai dʌvʌʌrai gigivuli dai ojoodai taatapai. Daidʌ gʌcuucupioco siaaco yaasapicatadai ʌcoidadʌ dai mui oodami ismaacʌdʌ vaavoitudaitadai Diuusi duduaca ʌcoidadʌ saagidaiñdʌrʌ.

Taidʌ ʌSuusi gʌgʌrʌ iiña dai muu.

Tai amaasi ʌtʌaanʌdamigadʌ sandaaru ʌʌmadu ʌgaa ismaacʌdʌ nuucadacatadai ʌSuusi aidʌsi tʌʌ ʌgai isgigivuli dʌvʌʌrai dai tʌʌ vʌʌsi ismaacʌdʌ ʌpʌdui sʌʌlicʌdʌ duduaadimu, daidʌ icaiti: ―Baivaavoi idi cʌʌli sʌʌlicʌdʌ ʌrDiuusi maradʌcatadai ismaacʌdʌ tʌvai tʌvaagiaiñdʌrʌ ―ascaiti.

Dai dan duucu vʌʌsi oidigi tucapi vii vaic oora.

Taidʌ ʌPilaato tʌcacai daidʌ itʌtʌdai: ―¿Dai goSuusi mʌismaacʌdʌ Cristo aagai ducatai iduuna aanʌ? ―astʌtʌdai. Tai vʌʌscatai aa noragi daidʌ itʌtʌdai: ―Siisañi curusiaba vai poduu muucuna ―astʌtʌdai. Taidʌ ʌPilaato itʌtʌdai: ―¿Tumaasi soimaasi iducami goovio? ―astʌtʌdai. Tai ʌgai ʌpamu ijiña daidʌ itʌtʌdai: ―Siisañi curusiaba, vai poduu muucuna ―astʌtʌdai.