Popular Bible Verses from Marika 5

Share

Sa qai kaya vua o Jisu, “Na luvequ, sa vakabulai iko na nomu vakabauta. Mo lako ena vakacegu ka sereki mai na nomu leqa.”

E tiko ena kedra maliwa e dua na yalewa, sa turudrabalavu ka sa yabaki tinikarua na kena dede. Sa lewe levu na vuniwai era sa qaravi koya oti ka sa vakayalia kina na nona i yau, ia sa sega ni vinaka cake kina na nona bula, ka sa toro sobu tikoga.

A sa tara na i sulu i Jisu, ka sa mudu sara vakasauri na kena lako tiko na dra; ka sa kila sara e yagona ni sa vakabulai mai na mate ca o ya.

Sa qai taura na ligana, ka kaya vua, “Talica, kumi!” (A kena i balebale, “Goneyalewa lailai, au sa kaya vei iko mo tucake mai!”)

Ia ni sa vosa tikoga o Jisu era sa lako mai eso mai na vale ni vakailesilesi ni valenilotu, ka kaya, “Sa mate na luvemu; kakua ni vakaoga tale na i Vakavuvuli.” E a sega ni via kauwaitaka o Jisu na ka era tukuna, ka sa qai kaya vua na vakailesilesi ni valenilotu, “Kakua ni yalolailai, ia mo vakabauta ga.”

(A sa kaya vakaoqo baleta ni sa kaya oti vua o Jisu, “Yalo velavela, mo lako tani mai vua na tamata oqo!”) Sa qai tarogi koya o Jisu, “O cei na yacamu?” E a sauma o koya ka kaya, “Na yacaqu o ‘Vavakoso’, ni keimami sa lewe levu!”