Popular Bible Verses from Marika 16

Share

Sa qai kaya vei iratou, “Dou lako ki vuravura taucoko ka vunautaka na i Tukutuku Vinaka kivei ira na tamata kecega.

O ira na vakabauta, era na cakava na veicakacaka mana oqo; era na vakasava tani na tevoro ena yacaqu; era na tukuna na veivosa eso era a sega ni kila e liu; ia kevaka era taura na gata bati gaga, se gunuva e dua na wai gaga ka rawa kina na mate, ena sega ni vakacacani ira; era na tarai ira talega na tauvimate ka vakabulai ira.”

O koya e vakabauta ka papitaisotaki ena vakabulai; ia o koya e sega ni vakabauta, ena vakarusai.

E ratou sa qai lako na tisaipeli ka vunau ena veivanua kecega, ka sa cakacaka vata tiko kei iratou na Turaga, ka vakadeitaka na nodratou vosa ena veicakacaka mana e vuqa.

A qai kaya o koya vei iratou, “Dou kakua ni rere; o dou sa mai vakasaqarai Jisu li na kai Nasareci, o koya ka a lauvako ena kauveilatai? Sa sega eke o koya; sa tucake tale; dou mai raica na vanua ka a vakotori kina!

Ia ni ratou qai rai yani, ki na i bulubulu e ratou sa raica sara ni sa qiqi tani tu na vatu. (Ia sa bau vatu levu dina sara ga na vatu o ya.) Ni ratou sa curu yani ki na i bulubulu, e ratou sa raica sara e dua na cauravou ni dabe toka e yasa i matau, ka vakaisulu balavu vulavula; ka ratou sa kidroa vakalevu sara.