Popular Bible Verses from Maciu 21

Share

Ka kevaka e tu vei kemudou na vakabauta, dou na rawata na ka kecega dou na kerea ena masu.”

Sa sauma o Jisu ka kaya vei ira, “Au sa kaya vakaidina vei kemudou, kevaka e tu vei kemudou na vakabauta ka sega ni vakatitiqa, dou na sega ni cakava walega na ka sa yaco ena vunilolo, ia kevaka dou kaya sara talega ki na ulunivanua oqo, ‘Tacavu mai ka la'ki biuti iko ki na wasawasa,’ ena vakayacori ga.

Ia o ira na lewe vuqa era liu tiko kei ira era muri, era sa qai kacivaka, “Osana vua na Luve i Tevita! Me vakacaucautaki o koya sa lako mai ena yaca ni Turaga! Osana ena veiyasana cecere sara!”

ka kaya vei ira, “Sa volai tu, ‘Ena vakatokai na noqu vale me vale ni masu,’ ia dou sa cakava me nodra qara na daubutako.”

“Tukuna ki na koro o Saioni, Raica, sa lako mai vei iko na nomu tui. Sa yalomalua ka sa vodoka e dua na asa, Kei na asa lailai, na luve ni asa.”

Sa qai kaya vei ira o Jisu, “Dou sa sega beka ni wilika na i Vola Tabu? ‘Na vatu era sa cata na dautara vale Sa yaco oqo me tikina bibi duadua ena ka kecega. Sa vakayacora na ka oqo na Turaga; Sa dua dina na ka veivakurabuitaki e matada!’

“O koya oqo au sa kaya kina vei kemudou, ena kau tani mai vei kemudou na matanitu ni Kalou, ka me soli ki na dua na matanitu e vuataka mai na vuana.