Popular Bible Verses from Luke 9

Share

Sa qai kaya vei ira kecega na tamata, o koya, “Kevaka e dua sa via muri au, me kakua ni muria na lomana, ia me colata ga na nona kauveilatai ena veisiga; ka muri au.

Ni o koya yadua e via maroroya na nona bula ena vakayalia, ia o koya yadua e vakayalia na nona bula ena vukuqu ena maroroya.

Sa qai kaya vua o Jisu, “E sega ni dua sa taura na i siviyara ka qai rai tale tiko ki muri me veiganiti kei na matanitu ni Kalou.”

Na cava na kena yaga vua na tamata kevaka e rawati vuravura taucoko ka vakayali koya kina vakai koya?

Ni o koya yadua ena maduataki au kei na noqu vosa, ena maduataki koya na Luve ni Tamata ni sa lako mai ena nona lagilagi, kei na lagilagi nei Tamana kei ira na agilosi tabu.

Sa qai kaya vua o Jisu, “Era vaqara na fokisi, ka ra vakasova na manumanu vuka, ia na Luve ni Tamata e sega na nona tikina me vakadavora kina na uluna.”

ka qai kaya vei iratou, “O koya yadua sa ciqoma na gone lailai oqo ena yacaqu sa ciqomi au vakakina; kei koya yadua sa ciqomi au sa ciqomi koya talega sa talai au mai; ni o koya e lailai duadua vei kemudou kece sai koya sa uasivi duadua.”