Popular Bible Verses from Lukha 17

Share

Wase utsi kuye: “Sukuma uhambe; kukholwa kwakho kukusindzisile.”

“Nangabe akona emahlandla lasikhombisa ngelilanga linye solomane atsi kuwe: ‘Ngiyacolisa,’ kufanele umtsetselele.”

Lenye yatsi kube ibone kutsi seyiphilile, yancandzeka idvumisa Nkulunkulu ngelivi lelikhulu. Yefika yatilahla phansi etinyaweni taJesu imbonga. Yona-ke beyingumSamariya.

Caphelani! Nangabe umnakenu ona, mekhute, nangabe uyaphendvuka, mtsetselele.

Jesu watsi: “Beningesilo yini lishumi ekuphilisweni kwenu? Baphi labayimfica?

INkhosi yabaphendvula yatsi: “Kube beningaba nekukholwa lokungangenhlavu yendlulamitsi, beningatsi kulesihlahla: ‘Dzephuneka uyewumila elwandle!’ Besiyawunilalela.”

Umuntfu lowetama kusindzisa imphilo yakhe, uyawulahlekelwa ngiyo. Kodvwa umuntfu lolahlekelwa yimphilo yakhe, uyawuyisindzisa.

Jesu watsi kubafundzi bakhe: “Tilingo tetono kufanele kutsi tenteke; kodvwa maye kulowo letita ngaye! Bekuyawuba ncono kutsi kuboshelwe litje entsanyeni yakhe, bese ujikijelwa elwandle, kunekutsi ente nome munye walaba labancane kutsi one.

“Njengobe kwakunjalo ngemalanga aNowa, kuyawuba njalo nangemalanga eNdvodzana yeMuntfu. Bonkhe bantfu bebadla, banatsa, bateka bafati, bendziswa, kwaze kwaba lilanga Nowa langena ngalo emkhunjini lana zamcolo wababulala bonkhe.