Popular Bible Verses from Lukha 11

Share

Nome ningakalungi kodvwa niyakwati kupha bantfwabenu tintfo letinhle, kakhulu kangakanani-ke, Babe losezulwini uyawubanika Moya Longcwele labo labamcelako.”

“Ngako-ke ngiyanitjela ngitsi kini: Celani, niyawunikwa; funani, niyawutfola; nconcotsani, niyawuvulelwa umnyango

ngobe wonkhe locelako uyaphiwa, lofunako uyatfola, nalonconcotsako uyavulelwa.

Jesu wase utsi kubo: “Nanithandaza, nibotsi: ‘Babe, alingcweliswe libito lakho, umbuso wakho awute.

Sitsetselele netono tetfu, njengobe natsi sibatsetselela labo labasonako. Ungasingenisi ekulingweni.’ ”

Siphe lamuhla kudla kwetfu njengasemalangeni onkhe.

Liso lakho lisibane semtimba wakho. Nangabe liso lakho likhanya, nemtimba wakho wonkhe unekukhanya; kodvwa nangabe liso lakho lingaboni kahle, nemtimba wakho wonkhe ubasebumnyameni.

“Kute umuntfu lowokhela sibane abese usifihla ngaphansi kwesitja; kodvwa esikhundleni saloko usibeka elutsini, entele kutsi labangenako batewubona lokukhanya.