Popular Bible Verses from ᐅᐸᓓᑭᔅ ᓘᒃ 4

Share

ᐅᑎᐯᓕᒋᑫᐤ ᐅᑦ ᐊᒑᑾ ᓂ ᑭᑭᔥᑳᑯᓕᐗ, ᐌᓴ ᓂ ᑮ ᑕᒪᔅᑯᓂᒃ ᑭᒋ ᑎᐹᒋᒧᔅᑕᐗᑭᒃ ᒥᓗᐋᒋᒧᐎᓂᓕᐤ ᐊᓂᑭ ᑳ ᑭᑎᒫᑭᓯᒋᒃ; ᓂ ᑮ ᐯᒋᑎᔕᐅᒃ ᑭᒋ ᒥᓇᐋᒋᐊᑭᒃ ᐊᓂᑭ ᑳ ᐱᑯᑌᐁᒋᒃ, ᑭᒋ ᑎᐹᒋᒧᔅᑕᐗᑭᒃ ᐋᐸᐊᒫᑫᐎᓂᓕᐤ ᐊᓂᑭ ᑳ ᐋᐗᑳᓂᐎᒋᒃ, ᓀᔥᑕ ᐙᐱᐎᓂᓕᐤ ᐊᓂᑭ ᐁᑳ ᑳ ᐙᐱᒋᒃ, ᑭᒋ ᐋᐸᐗᑭᒃ ᐊᓂᑭ ᑳ ᐅᑐᑭᓯᒋᒃ, ᑭᒋ ᑎᐹᑐᑕᒶᒃ ᐅᑎᐯᓕᒋᑫᐤ ᐅ ᒥᓜᓕᑖᑯᓯᐎ ᐱᐴᓐ᙮

ᒋᓴᔅ ᒫᑲ ᑮ ᓇᔥᑴᐗᔑᐁᐤ, ᐁ ᐃᑖᑦ, ᓂᔅᐱᔅᑾᓂᒃ ᐃᔑ ᐃᑐᑌ, ᓭᑖᓐ; ᐌᓴ ᐃᑕᓯᓇᐃᑲᑌᐤ, ᑭ ᑳ ᓇᐗᑮᔅᑕᐗᐤ ᐅᑎᐯᓕᒋᑫᐤ ᑭ ᑭᒋᒪᓂᑐᒻ, ᐎᓚ ᓀᔥᑕ ᐱᑯ ᑭ ᑳ ᐊᑑᔅᑫᔅᑕᐗᐤ᙮

ᒋᓴᔅ ᒫᑲ ᑮ ᓇᔥᑴᐗᔑᐁᐤ, ᐁ ᐃᑗᑦ, ᐃᑕᓯᓇᐃᑳᑌᐤ, ᐃᓕᓕᐤ ᓇᒪᐎᓚ ᑲᑕ ᐱᒫᑎᓯᐤ ᐱᔑᔑᒃ ᐊᓚᑲᓈᐗ ᐅᒋ, ᒫᑲ ᒥᓯᐌ ᑕᑐ ᐅᑦ ᐋᔭᒥᐎᓂᓕᐤ ᑭᒋᒪᓂᑐ ᐅᒋ᙮

ᒋᓴᔅ ᒫᑲ, ᐁ ᓵᑲᔅᑭᓀᔅᑳᑯᑦ ᐸᓓᑭ ᐊᒑᑾ, ᒐᕐᑕᓂᒃ ᑮ ᐅᒋ ᑭᐌᐤ, ᓀᔥᑕ ᑮ ᐃᑐᑕᐃᑯ ᐊᒑᑾ ᐸᑾᑕᔅᑲᒥᑳᒃ

ᒋᓴᔅ ᒫᑲ ᐁ ᓇᔥᑴᐗᔑᐋᑦ, ᑮ ᐃᑌᐤ, ᐃᑣᓂᐗᓐ, ᐁᑳᐎᓚ ᑭ ᑳ ᑲᑴᒋᐋᐤ ᐅᑎᐯᓕᒋᑫᐤ ᑭ ᑭᒋᒪᓂᑐᒻ᙮

ᐃᔅᐱ ᒫᑲ ᒪᒋᒪᓂᑐ ᑳ ᑮ ᑮᔑᑖᑦ ᒥᓯᐌ ᑲᑴᒋᐃᐌᐎᓂᓕᐤ, ᑮ ᓇᑲᑌᐤ ᐎᓕᐱᔉ᙮

ᒪᒋᒪᓂᑐ ᒫᑲ ᐁ ᓵᑲᒋᐌᑕᐋᑦ ᐁ ᐃᔅᐸᑎᓈᓕᒃ ᐗᒌᒃ, ᓴᔅᒋᑯᒡ ᑮ ᐙᐸᑎᓓᐤ ᒥᓯᐌ ᐅᑭᒫᐎᐎᓇ ᐊᔅᑮᒃ᙮ ᒪᒋᒪᓂᑐ ᒫᑲ ᑮ ᐃᑌᐤ, ᒥᓯᐌ ᐅᒪ ᑲᔥᑭᐅᐎᓐ ᑭ ᑳ ᒥᓕᑎᓐ, ᓀᔥᑕ ᐁᔅᐱᒋ ᑭᔅᑌᓕᑖᑾᑭ: ᐌᓴ ᓂ ᑮ ᐸᑭᑎᓇᒫᑲᐎᓐ ᓀᔥᑕ ᐊᐌᓇ ᐱᑯ ᐙ ᒥᓚᑭ ᓂ ᒥᓚᐤ᙮ ᑮᔥᐱᓐ ᒫᑲ ᑫ ᓇᐗᑮᔅᑕᐎᐗᓀ, ᒥᓯᐌ ᑭ ᑳ ᑎᐱᓚᐌᐎᓰᓐ᙮ ᒋᓴᔅ ᒫᑲ ᑮ ᓇᔥᑴᐗᔑᐁᐤ, ᐁ ᐃᑖᑦ, ᓂᔅᐱᔅᑾᓂᒃ ᐃᔑ ᐃᑐᑌ, ᓭᑖᓐ; ᐌᓴ ᐃᑕᓯᓇᐃᑲᑌᐤ, ᑭ ᑳ ᓇᐗᑮᔅᑕᐗᐤ ᐅᑎᐯᓕᒋᑫᐤ ᑭ ᑭᒋᒪᓂᑐᒻ, ᐎᓚ ᓀᔥᑕ ᐱᑯ ᑭ ᑳ ᐊᑑᔅᑫᔅᑕᐗᐤ᙮

ᑮ ᐯᒋ ᐃᑐᑕᐁᐤ ᒫᑲ ᒋᕉᓴᓚᒥᒃ, ᑮ ᑌᑕᓓᐤ ᒫᑲ ᑕᑯᒡ ᐃᑕ ᐁ ᐃᔥᐹᓕᒃ ᑭᒋᐋᔭᒥᐁᐎᑲᒥᑯᒃ, ᑮ ᐃᑌᐤ ᒫᑲ, ᑮᔥᐱᓐ ᑭᒋᒪᓂᑐ ᐌᑯᓯᓯᒥᔅᑴ, ᓂᒋᒀᔥᑯᑎ ᐅᑕ ᐅᒋ: ᐌᓴ ᐃᑕᓯᓇᐃᑳᑌᐤ, ᑲᑕ ᐃᑕᔓᐙᑌᐤ ᐅᑦ ᐁᓐᒐᓕᒪ ᑭᓚ ᐅᒋ, ᑭᒋ ᑲᓇᐌᓕᒥᔅᑭᒃ; ᓀᔥᑕ ᐅᒋᒋᐙᒃ ᑭ ᑳ ᐋᓱᓂᑾᒃ; ᐁᑳ ᑭᒋ ᐅᑕᒥᑎᑖᔭᓐ ᑮᓯᑦ ᐊᓯᓂᒃ᙮ ᒋᓴᔅ ᒫᑲ ᐁ ᓇᔥᑴᐗᔑᐋᑦ, ᑮ ᐃᑌᐤ, ᐃᑣᓂᐗᓐ, ᐁᑳᐎᓚ ᑭ ᑳ ᑲᑴᒋᐋᐤ ᐅᑎᐯᓕᒋᑫᐤ ᑭ ᑭᒋᒪᓂᑐᒻ᙮