Popular Bible Verses from लुका 2

Share

सुनउ, आजु दाउदक सहरयँ तेउह्रासब्‍के बाचाइके लागि ख्रिस्‍ट जर्‌मिके भइल बाटत, जोनो चाहिँ प्रभु हखत।

तर सोर्‌गदुतेइ उसब्‍के कहिकेभइल “झुनडाराओ! किकेकने मोइ जम्‍मइ मानुससब्‍के बड्‌क आनन्‍द देलाहार खुसिक समचार लिकुन तेउह्र आघु अइल बाटम।

“सोर्‌गयँ बोसिकेभइल परमेसोरके जयजयकार भइराखुस, हसे ओनेन् पिर्‌थिबियँ जोनो मानुससाङ खुसि भइताहात्, उसबेइ सान्‍ति पाउस।”

हसे येसु परमेसोरक अनुग्रहयँ ग्यान, बुद्‍धि र जिउडालयँ पुनु बहढ्‍तिन जाइके भइल।

तोहेसब नान्‍हि छावाके थाङ्‌नाइ बेह्रिकुन डोडियँ सुताइराख्‍ल भेट्‌ताहाउ र तेउह्रासब्‍के लागि उहइ एक्‍टा चिना भइत।”

उसे बेलायँ चरुहाँसब आफ्‍न भेडाक बगाल रुङिकुन बेथलेहेम नजिकइक जमारयँ रातभरि बोसिराख्‍ल रहत। उछिका परमप्रभुक एक्‍टा सोर्‌गदुत देखा पोर्‌ल र परमप्रभुक उजुङ उसब्‍क चारइपटि चम्‍कल। उअ उजुङ देखिकुन जम्‍मइ चरुहा डाराइकुन थुरथुर कामिके थाल्‍ल।