Popular Bible Verses from မဿဲ 4

Share

သို့ရာတွင် ယေရှု​က “ကျမ်းစာ​၌ ရေးသားထားသည်​မှာ ‘လူ​သည် အစာ​ဖြင့်​သာ အသက်ရှင်ရသည်​မဟုတ်။ ဘုရားသခင်​၏ နှုတ်တော်ထွက်​စကား​ရှိသမျှ​ဖြင့် အသက်ရှင်​ရမည်’ ဟူ၍ ဖြစ်သည်” ဟု မိန့်တော်မူ၏။

ယေရှု​က “အို စာတန်မာရ်နတ်… ငါ့​ထံမှ ထွက်သွားလော့။ ကျမ်းစာ​၌ ရေးသားထားသည်​မှာ ‘သင်​၏​ဘုရားသခင် ထာဝရဘုရား​ကိုသာ ကိုးကွယ်​ရမည်။ ထို​အရှင်​တစ်ပါးတည်း​ကိုသာ ဝတ်ပြု​ရမည်’ ဟူ၍ ဖြစ်သည်” ဟု မိန့်တော်မူ၏။

ယေရှု​က “ကျမ်းစာ​၌ ရေးသားထားသည်​မှာ ‘သင်​၏​ဘုရားသခင် ထာဝရဘုရား​ကို အကဲမစမ်းရ’ ဟူ၍ ဖြစ်သည်” ဟု ပြန်​၍ မိန့်တော်မူ၏။

ထို့နောက် မာရ်နတ်​၏ ဖြားယောင်း​သွေးဆောင်ခြင်း​ကို ခံတော်မူ​စေရန် ဝိညာဉ်တော်​သည် ယေရှု​ကို တောကန္တာရ​သို့ ပို့ဆောင်တော်မူ၏။ ယေရှု​သည် ရက်ပေါင်း​လေးဆယ် အစာရှောင်​ပြီးနောက် အလွန်​ဆာလောင်တော်မူ၏။

ယေရှု​က “ငါ့​နောက်သို့ လိုက်ကြလော့။ ငါ​သည် သင်တို့​အား လူ​ကို​ဖမ်းသော တံငါ​ဖြစ်စေမည်” ဟု မိန့်တော်မူ၏။ ထိုအခါ သူတို့​သည် ပိုက်ကွန်များ​ကို ချက်ချင်း​ထားခဲ့​၍ ယေရှု​နောက်တော်​သို့ လိုက်ကြ၏။

ထို​အချိန်​မှ​စ​၍ ယေရှု​က “ကောင်းကင်​နိုင်ငံတော် ပေါ်ထွန်းချိန်​နီးပြီ​ဖြစ်​သောကြောင့် နောင်တရကြလော့” ဟု စတင်​ဟောပြောတော်မူ၏။