Popular Bible Verses from Yoane 6

Share

Itarraŋ Yesu jihosi ojo, Ani emune ono nesu. Ol ottu’to jihoŋ obeŋ adi inyyak niama bwo fe al iruk’to jihoŋ obeŋ adi inyyak ibwoto.

Isyo oloyiri nesu. Obeŋ ahwan ihanio obo ariŋ. Nekyanita hodwo ekyana ni jihatai arai isi huno oloyiri iko nesu.

Hegyamati ta aŋiyo on otuhuno adi ati igyamati ta aŋiyo an ara’to ta nesu on osyo fur. Isyo adi Lonyi tulo aŋiyo ania jihatai, nyo isyo Hollum Monye jihonyi adwaran.

Nyo awahan ono Monyoŋ ana, jyo hulya hul omijye’to Lonyi bwo fe iruhi jihonyi owoni iko nesu on osyo fur bwo etubuhu adi ni isi iholoŋ an isidori afau.

Itarraŋ Yesu jihosi ojo, Egyama ono Hollum ana, oŋida iruhoto jyo alya al ifahu inyi.

Laati daŋ hul isyo Monyoŋ jihoŋ ofwonni adi jihoŋ bwo fe ol ottu’to jihoŋ abeŋ adi ni efuha addi.

Itarraŋ Simone Petro ojo, ?Jyo ŋai adi efwo hohoi, Hobu? Owoni nekyanita huno nesu on osyo fur jihoi.

Ani emune ono nesu on ottu’to t’edou ifau. Ol oŋiyo’to emune ana isu adi tulaŋ, bwo fe ahwan hoŋ inyi emune an esyo ni ta nesu ono laati.

Obeŋ obo ottu jihoŋ arari Monye al ifahu’to ani orihu inyi. Attadi ni itubuhuna inyi iholoŋ an isidori afau.

Nyo emune an isyo Hollum ottu t’edou ette isyarana esu ifau.

Ani emune ono nesu.

Omoju Yesu hodwo imunio ette jaran humo jyo Hollum ette harana jyo hul owoniari’to iko aham bu ihwa an awaharik isi. Al ifoŋi aati ojo Yesu jyo leyiyanak honyi, Osuduhana ofitot, hotobyaŋahi orrohojari.

Al iguroroi isi alamarai ihiji hari igonyuni isi Yesu adaha ta ahide hari ol ottu ajihosi. Ette isi baŋi bebe. Ati ojo inyi jihosi, Hebaŋata, ani alya.