Popular Bible Verses from Lioka 23

Share

Ary i Jesoa namerimberina hoe: –Ray ô, avelao ny helony fa tsy fantany izay ataony! Dia nifampizaràn’ireo miaramila ny fitafian’i Jesoa ka nanaovany loka.

Ka hoy i Jesoa taminy: –Lazaiko marina aminao fa anio ihany dia ho tafaraka amiko any am-paradisa ianao.

Dia izao no naverimberiny: –Jesoa ô, mba tsarovy aho rahatrizay ho avy indray Ianao amin’ny maha Mpanjaka Anao.

Ary niantso tamin’ny feo mahery i Jesoa nanao hoe: –Ray ô, apetrako eo am-pelatananao ny aiko! Avy nilaza izany Izy, dia niala aina.

Rehefa tonga tany amin’ny toerana atao hoe Ikarandoha, dia nohomboana tamin’ny hazofijaliana i Jesoa mbamin’ireo olon-dratsy, ka ny iray teo ankavanany, ny iray teo ankaviany.

Tamin’ny mitataovovonana teo ho eo, dia takona ny masoandro ka rakotra haizina ny faritany manontolo ary naharitra hatramin’ny telo tolakandro izany. Nitriatra nizara roa kosa ny efitra lamba tao amin’ny Toeramasina tao an-tempoly.

Nahita ny zava-nitranga ilay kapiteny rômanina ka nanome voninahitra an’Andriamanitra sady niteny hoe: –Tena olo-marina tokoa io Lehilahy io!