Popular Bible Verses from Matius 18

Share

Habana i rima naria rodua ba tolu dua tauna mahiromu habana neparahayara hi Aku, i hee mui-'A dohera.”

Ku'ulika mui komi, ane maria rodua lako hi komi i dunia ei mahintuwu merapi hangu hangaa hi Alatala Tuama-Ku to i huruga, kana Nawaikara mei napa to laiperapira.

Nangepe pepekuneara lauria, Yesus nangkio hadua ngana kodi nokangkore i tingoora, pade iuli-Na, “Mpuu-mpuu Ku'ulika komi, ane moma komi mobali lako kahombomi pade mawali ewa ngana kodi ei, moma komi mehua i rara poparentaa Alatala.

Etumo, hema-hema to moma mahombo pade mawali ewa ngana kodi ei, hiami to neliu pobununa i rara poparentaa Alatala.

Pade hema-hema to mantarima hadua ngana kodi ewa ei habana tauna ee neparahaya hi Aku, hia mui nantarima-'A.”

Mpuu-mpuu Ku'ulika komi, napa-napa to mipetagii i dunia ei, rapetagii mui i huruga, pade napa-napa to mipepaliui i dunia ei, rapepaliui mui i huruga.

Wee moto mui Tuama-Ku to i huruga mobabei hi komi ane moma komi moampuni ompi-ompimi hante mpuu-mpuu rarami.”

“Naupawee hema-hema to mopanawu hadua ngana kodi ewa ei i rara doha hampena momami meparahaya hi Aku, aginalaupi tambolo tauna ee rapantoeni watu pogilia to nabohe pade ratene'i i rara tahi.

“Bewa pampekirimi? Rapana maria hadua tauna to mangkami hatu maa bimba pade maronto hamaa, apa moma napalahi to hahio mpulu hahio maa ee i bulu, pade rau'i mampali to naronto ee mai?