Popular Bible Verses from Мф 10

Share

Мый шорык-влакым пире коклашке колтымо семын тендам колтем, сандене кишке гай ушан, кӧгӧрчен гай титакдыме лийза.

Шке чонжым аралаш тӧчышӧ чонжым йомдара, а Мыйын верч чонжым йомдарыше – муэш.

Капым пуштшо, но чоным пуштын кертдыме-влак деч ида лӱд. Чонымат, капымат тамыкыште пытарен Кертше деч лӱдса.

Тыгак кӧ шке ыресшым ок нал да почешем ок кай, тудо Мыланем йӧрышӧ огыл.

Кӧ еҥ ончылно Мыйым палымыж нерген почын ойла, тудым палымем нерген Мыят Пылпомышсо Ачам ончылно почын ойлем. А кӧ еҥ ончылно Мый дечем кораҥеш, Мыят Пылпомышсо Ачам ончылно тудын деч кораҥам.

Черлым паремдыза, колышым ылыжтыза, проказе чераным эрныктыза, иям поктен лукса. Яра налында, ярак пуыза.

Тугеже, ида лӱд, те шуко пӧрткайык дечат шерге улыда.

Мый мланде ӱмбаке тыныслыкым кондаш толынам манын ида шоно. Тыныслыкым огыл, кердым кондаш толынам