Popular Bible Verses from Marcos 14

Share

Ñymboirã hei: Abba, Sheru, nde rãnga opa mbai javaiã rijapo verã; heky shyhevi kova mbai pohyva ahasa verã. Tẽvã avy tiko she aipotava, kõñẽi tiko nde ripotava.

Avy peche, pirurekatu pijepyhe verã pyarãã ou verã, espirituara kyrẽyte mbai haikaviva japo, tẽvã pyndyroo kãngy.

Ãñeteĩte hai pee, mamãĩpi ko yvy jerekue mbe'uhavaipi ko Ñee kaviva, mbe'uhapo jyve ko taupe japova.

Jesús heishu: Vyambava añandu shukamapotarã; kopeĩ pime, hareka avy pechekui.

Karuma ñynoĩrã, Jesús pãhã hekyrã ohovasa, pyseã meẽshu retarã hei: Pe'u, kova hai shyrete.

Haivi hekyjy vino ho'uapya, ohovasarã meẽshu mboireare, hãrã opaiteva hou reta. Heijyshu reta: Kova hai shuruvy ñee me'ẽã py'ahuva ryheva, turuvy ñohẽa verã opava reta rehe.

Jesús heishu reta: Ko pyhare opaitevapo shyrejapikui, ñee Mbyparahava heiva rãĩmi: “Ajukapo avisha ñyngareko'ihea, hãrã avishare opapo ñymomohẽshikui”.

Pupũã jaha, shara vãhẽserima ou shymeẽva.

Jesús heishu: Ãñeteĩte hainde, ndei uru mokue ñyrãrã, ko pyhare mbahapyjypo shiñomikui.