Popular Bible Verses from Matyu 7

Share

“Umepmi Ida Tapolngon ke wan e ma iye kare ke umu. Umekrim ke wan e ma umapadoe. Lupmu tinopolpol ke ekreng bitna e ma Ida Tapolngon kloke ke umu.

Kesua gute ka pmi ke wan ma due wan ka iye pmi ine e gute ka krim wan ma pado wan tonari e gute ka limla nopolpol ke ekreng bitna ma ekreng bitna noklok ke iye.”

“Gute sei ka klingen lou pelengon e inie iye langka gute ka ile omur itau deka yas taklak e uri ila ninu ke opmu ma ninu dong dagar.

“Umodue elio itau ke osep langka umawaiki tidue elio itau ke umu. Elio tonari Moses ila sogongon e osep napaprangan ina urok sogongon lana ine.”

E ekreng bitna ka mosongon ina daudeng lokono e ekreng are engil lokono ma itedidie. E osep awal boto vala tididie.”

“Umesep ke ekreng bitna ka daudeng. Kesua ekreng bitna ka la ke omur agegeng ina omba e ekreng ke omur tonari ina op omba e osep tilila ine molil molil. E osep pula tididi ekreng tonari.

Lumu elio soulu e dau umakar wan itau ke titopmu. E Pmomu ka dong ke omur heven ma iye kar wan itau ke osep ka tipmi iye ine.”

E Yesus wai blang langane. “Umawade osep leklou urok elio kovok e Ida Tapolngon ma wade lumu elio kovok. Ida Tapolngon ma wade umu eriar langka umawade osep leklou. Elio ka umedidie e umawade isak ma Ida Tapolngon didi elio tonari e wade umu ine blang.

E gute ka klingen lou pelengon e inie kovok iye langka gute ka kaka ka uri ila ninu ke lavu vala.

Ina lange amkaranga amvati wan daudeng langka group ke gute silang bitna e amkaranga amvati wan langka akai palma omba ka dong ke emtem kovok? Langka wan langka akai palma omba dong ke emtem ina lange amwai ke supmu langane? ‘Ma ngapi group ka dong ke emtem.’ E dau emile wan langka akai palma omba dong ke emtem kovok.

“Umaplau umu itau ke osep napaprangan yakngan ina. Tiwaiki osep aitno lisak mter urok elio molil molil langka sipsip e dau isak langka gemle kevena ka tiwaiki tingen wan. Umavati urok elio e umakaranga umeile isak osep napaprangan yakngan ina. Aitno lumu lange? Osep tivu galou wain toru ine ke galou marak? Koke tivu akai fik otna ke dipil? Aurou.

Akai ka itau usu akai otna ka itau e akai ka sasi usu akai otna ka sasi.

Akai ka sasi karanga usu akai otna ka itau kovok e akai ka itau karanga usu akai otna ka sasi kovok.

Osep ma tiblou akai ka usu otna ka sasi e tiurie ke eiou ma eiou ngene.