Popular Bible Verses from John 1

Share

Ahizong pawlkhat in ama saangin um uh hi; tua ahikom ama in tuate tungah Pathian ii tate sua thei natu thupia hi.

A kipatciilin, Kammal na omkhol zo hi; tua Kammal in Pathian taw om a, tua Kammal in Pathian ahi hi.

Khuavak in khuazing sungah taang a, khuazing in sumit zo ngeingawl hi.

Kammal in mihing hong suak a, thuthiamna le thumaan thutak taw kidimin, ei sungah hong teang hi. Eite in ama ii vaangletna, Pa ii Tapa khat bek a hina taw a saan vaangletna ih mu zo hi.

Ama tungtawnin Pathian in na theampo piangsak hi; a kibitphua theampo ama ngawl taw a kipiangsak na khat beak a om bua hi. Tua Kammal in nuntakna ii naak ahi hi. Tuaciang hi nuntakna in mihing a minpiang atu in khuavak hong puak hi.

A zing ciangin John in ama kungah Jesus hong pai a mu ciangin, “Leitung buppi mawna a lakhia Pathian Tuuno, zialai ah om hi!

Kammal in leitung ah om a, Pathian in leitung sia ama tungtawnin piangsak hi napi, leitung in ama a he bua hi. Ama in ama ii ngamsung ma a hong pai ahihang a mite in ama a saang bua uh hi.

Hi khuavak in khuavak tatak hi a — leitung ah hong pai in mihing sim tungah a taang hi.

Pathian in Moses tungtawnin Thukham pia hi. Ahihang thuthiamna le thumaan thutak sia Jesus Christ tungtawnin hong pai hi.