Popular Bible Verses from Smnlean 21

Share

Utux Tmninun we muyu kari rnengo na qmlahang Sarah. Utux Tmninun we wada na daun ka sntangan na Sarah.

Mbahang lingis laqi ka Utux Baro de, snkgulan baro we peeyah karac baro mlawa Hagar, rmengo: “Hagar, ma su so kiya ho? Iya kiicu, wada mbahang hrenang lingis laqi ka Utux Baro da. Tutui! Sai pstutuy pkheyu ka laqi, doi ka baga na. Ado ngalun mu qlhangan paru ka knxalan na hiti.”

Rudan ka Abraham, dehuk ka ali sndhegan rnengo Utux Baro ciida, mchedil ka Sarah ma tmlaqi 1 laqi rseno ka heya.

Rmengo ka Sarah: “Wada psqaras phulis kenan ka Utux Baro. Kana mnbahang we mpsuupu kenan mqaras mhulis.”

Rmengo Abraham ka Utux Baro: “Iya pslhebun quri laqi nii ma mqedil tnqliyan su. Kari rnengo su na Sarah we puyuy kana. Ado pnttingan pneyah Yijxaq we, kiya ka mplaqi ltlutuc su.

Quri so laqi na tnqliyan su mqedil we, pdngusun mu 1 paru qnlhangan ka heya. Ado heya we laqi ltlutuc su ka heya.”