Popular Bible Verses from Luka 6

Share

Denn i menshen latcho koowa! Un o Dewel dell tumen latcho koowa! Awa, job dell tumen jaake bud, te hi tumen budeder har doha. Job dell tumen jaake bud, te nai lenn kowa gar lauter. Doleske penau tumenge: Tumer te denn bud, palle dell o Dewel tumen bud. Tumer te denn gar bud, palle dell o Dewel tumen gar bud.

Dran i latcho mensheskro dji well latcho koowa. Dran i tchilatcho dji well tchilatcho koowa. I mensho penell kowa, hoi an leskro dji dren hi.

Me penau tumenge: Awenn latches kolenge, kai hi tchilatcho ap tumende! Krenn kolenge latchepen! Patsenn tumare lowe win ap kolende, kai tumer gar djinenna, te lenn tumer lendar tchomone pale! Te krenna tumer kowa lauter, palle dell o Dewel tumen peskro brawlepen an o bolepen, un tumer wenn o baro Debleskre tchawe. O Dewel hi ninna latches ap kol menshende, kai tchilatche hi, un kai parkrenn pen gar pash leste.

Tumen hunte well hakeneske i baro dji, jaake har o Debles hakeneske i baro dji hi.

Ma sikrenn ap o wawareskri doosh! Un o Dewel dikell gar ap tumari doosh. Ma penenn: Kowa hunte lell i phagi! Un o Dewel dell tumen kek phagi. Bistrenn ko tchilatchepen, hoi i wawar menshe ap tumende kran. Un o Dewel bistrell ko tchilatchepen, hoi tumer kran.

Tumer, kai man shunenna, tumenge penaua: Awenn latches kolenge, kai hi tchilatcho ap tumende! Krenn kolenge latchepen, kai hi chojedo ap tumende! Penenn kolenge latche laba, kai tumen koshenna! Mangenn o Debles kolenge, kai dukrenn tumen!

Lauter, hoi tumer kamenna, te krenn i menshe tumenge, kowa krenn tumer lenge ninna!

Kowa, kai das tut ap jek tcham, koleske rike i wawar tcham ninna koi, te dell lo tut! Te lell jek tutar tiri plaashka, de les ninna tiro gad! De hakenes, kai tutar mangella! Un te lell jek tutar tchomone, hoi tiro hi, ma mang les pale!

Kek latcho phabjengro ruk hidjrella djungele phabja. Un kek nasselo ruk hidjrella latcho koowa.

Tu prindjreh nai o ruk ap kowa, hoi ap leste baro wella. Ap i subjengro ruk wenna kek faige baro. Witar gar wenna drake baro ap subjengre burra.