Popular Bible Verses from Johanni 15

Share

Me hom ko drakengro ruk. Un tumer han kol kashta. Koon atchell an mande un me an leste, dran koleste well bud latchepen. Tumer te han gar mantsa khetne, nai krenn tumer tchi.

Atchenn an mande un me atchau an tumende! Te atchenn tumer gar an mande, well kek latcho koowa dran tumende, jaake har ko kasht nai anell dran peste kek drake. Job hunte atchell ap o ruk.

Te atchenn tumer an mande un krenn kowa, hoi me penom, palle nai mangenna mandar, hoi kamenna. Un kowa lenn tumer.

Tumer rodan man gar win. Me rodom tumen win, te djiwenn jaake, te well dran tumaro djipen latcho koowa, hoi atchella. Un o dad dell tumen halauter, hoi mangenn lestar an miro lab.”

Kekes hi bareder kamlepen har kowa, kai merell peskre malenge.

Hako senelo kasht ap mande, hoi anell kek drake, tchinell job tele. Un ko kasht, hoi anell drake, krell job djudjo, te anell lo budeder drake.

Kowa kamau tumendar, te kamell jek o wawares o djijestar jaake har me tumen kamau o djijestar.

Te well bud latchepen dran tumende, well miro dad sharedo. Un tumer wenn mire mala.

“Me hom ko tchatcho drakengro ruk. Un miro dad hi ko hacho, kai budrell an koi baar, kai i drakengre ruka tardo hi.

Koon atchell gar an mande, kowa well win witsedo, har kol kashta, kai tele tchinlo hi. Jon wenn khetne rodedo un an i jag tchiddo, te chatchrenn le.

Kowa penom me tumenge, te well miri bacht an tumende jaake baro, har djal gar bareder.

Te krenn tumer kowa, hoi me tumenge penom, atchenn tumer an miro kamlepen jaake, har me kowa krau, hoi miro dad mange penas. Un me atchau an leskro kamlepen.

“Krenn, hoi me tumenge penau: Kamau, te kamell jek o wawares o djijestar!

Te hans tumer menshe kai phubjatar, palle kamans le tumen. Jon kamenn kolen, kai hi jaake har jon. Tumer han gar kolendar. Me rodom tumen dran lende win. Doleske kamenn le tumen gar.