Popular Bible Verses from O KEJADIAN 4

Share

Nako ngona nodiai maoa, maraioka ngona noiete; manako ngona nodiai o dorou, done o baradoha itamä hupaya iwohama ani hininga magoronaika. O baradoha imau yakuaha ani diri, mä ngona kokiani nahohihanga.”

O Set aingohaka o nauru wihiromanga o Enos. Oraha gënanga o nyawa yomulaenge yahetongo ma Jou Ai romanga maöraha yohuba.

Ma Jou wïleha o Kainika, ”Kiaka waika o Habel, ani dodoto?” O Kain wohaluhu, ”Ngohi tihiorikua. Kokiani ngohi ti goa-goana ahi dodoto?”

Daha ma Jou wïtemo, ”Yadodoa hongona nodiai o hali hömodo-modongo gënanga? Ani dodoto ai awunu o tonakil̄e i pöaka Ngohil̄e, hokä o ilingi i pöaka igahoko o balahi.

Mä ma Jou wïtemo, ”Kowali. Nako ngona initoma, done hokä ma balahi, deʼ ini tö toma-toma hö yatumidi ahaö yätoma.” Ipaha ma Jou wïgelenga o nonako o Kainika hupaya onagona dika imaka make dede ünanga uha iwitoma.