Popular Bible Verses from LUKA 9

Share

Atolapay kïlenchï nyinte chane löwïr, “Ato mököy chi kïrïpanïn, kïmïchini kïwutyeghö kegh akïkasan kimurtöwontenyi osis löwïr akïrïpanïn.

Ompöwölo chi anka tïkwïl nyo mököy kïsöru söpontanyi kwighöy kupötöy. Wölo anka tïkwïl nyo wirtoy söpontanyi akwompö ani, kïsöru.

Kïlenchï Yeso chichay, “Ngo nyo menkït lö möngoronye par kuten ato nam chi köpompo eghin akïmi kurosöy löt? Kïlenyona ye, ato pïsï chi tïkwïn kukaper möngenyi, kïmötïngnye kinyiwut ompö Pöyunöto Tororöt.”

Ompöwölo tösini ne chi ato nyorï ngwïny kïmïkul akupot söpontanyi? Möminye kïgh nyonikïny!

Ompöwölo anka tïkwïl nyo lolïyonöy ompö ani nko ngalechan ompö tawu pich, kïlolïyonchini tïkwïl Wero Chi, nyinte ato ngwïn ompö ororyenyi nko ororyeto Kwanta nko malayken cho tïlilöch.

Kïlenchï Yeso chichay, “Tïngeto chepkonöw pïrïmpotikwa cho möngöy akïtïng töritwö korikwa, wölo mötïngnye Wero Chi wölo könoghöy mötïnyi atökumuny.”

akïlenchï pïchay, “Anka tïkwïl nyo toköy monïngï ompö kaynenyan, kïtokanïn akwanka tïkwïl nyo tokanïn kïtoköy nyinte nyini kiyokwanïn. Ompöwölo anka tïkwïl nyo mïnïng tya ompö akwa löwïr, kï wow nyoni kïtïl.”