Popular Bible Verses from PA'JARIANG 12

Share

LaKusareko bija majai, siagang laKupa'jari ke'nanga bansa lompo ri lino. LaKubarakkakiko siagang laKupa'jari masahoroki arennu, sa'gennu la'jari barakka'. LaKubarakkaki sikamma tau ambarakkakiako siagang laKutunrai sikamma tau antunrayako. Siagang lanri ri kau nalaKubarakkaki sikontu bansaya ri lino.”

Nakanamo Batara ri Abram, “Bokoi pa'rasangannu, sikontu bija-bijannu siagang balla'na manggenu, nunampa a'lampa mange ri se'reang pa'rasangang laKupappicinikanga mae ri kau.

Umuru'na Abram 75 taung ri wattunna nabokoi Haran, situru' parentaNa Batara mae ri ia. A'lampami Abram mange ri butta Kanaan siagang bainenna iamintu Sarai, kammayatompa Lot kamanakanna, sikamma atanna. Naerang ngaseng tommi sikamma pa'barang-barangang nagappaya ri Haran. Battuna ke'nanga mange ri Kanaan

Napappicinikammi KalenNa Batara mae ri Abram na Nakana ri ia, “Iaminne pa'rasangang laKupassareanga mae ri sossorannu.” Nampa ambangummo Abram se're tampa' pakkoro'bangngang anjoreng untu' Batara, ia le'baka ampappicinikangi KalenNa mae ri ia.