Popular Bible Verses from KEJADIAN 37

Share

Inenggi ekhe sambul he, Yusuf abi hasikhesik, ogogwi pilingisogo yagaisasikhe meneat he, it ogogwi nen ebenagaik at oba inabit mondok oba fesukwa.

At Yakub he, againafuri fenakwe mondogat abit hangge logolik, Yusuf enek he, oak oba takhasikhe mene andi nen, endawinggen mondok hundik welagaikhe. A'nogo logolik, enggi ekhe sambul he, su pisarek eil mondok fano mene selebenhogo wogetikhe.

A'nogo wogotikhemo, it Yusuf ogogwi nen he, ”Nineisena nen nit abit logolik amlogo Yusuf enek he, endawinggen mondok hundik higi,” iluk isukwasik, Yusuf ebe inabiret fesukwasik, wene ane inom fanorogo ikhi lagaukwa mondok lek.

Hobuk at Yusuf abi ekhe hasikhesik ogogwi ekhe inomat yagaisasikhe: ”Mo inom, tugi inom, hesagal ebe 11 nen inom, an ineindep awi yagaisogo foget nafunem neilenggen higi aro,” iluk ogogwi pilingisogo yagaisasikhe.

A'nogo yagatikhemo, it Yusuf ogogwi nen he, wene palogo inabit mondok fesukwa meneat he, eisena nek he, ”Abi andi ebe ninggi'nogo hilinglasigin mene faget hikhe,” iluk endawimo ebetu mondok welagaikhe.

At Yusuf abi hasikhe mene it pilingisogo yagaisasikhe re, yi'nogo: ”Hinesanggo fanorogo holini. An nabi yi'nogo higi. Nit ninebe mondogat gandum awi yagoma kogosik, enggen palhigik hele homakhigik lakfugunem he, an mene yelik taunghogo menlasi lagunem he, hit mene yelik an mene a'nogo era'lukwe ilingwalinghogo lagasik he, ineindep awi yagaisogo fogeratunem nabi higi o,” iluk yagaisasikhe.

At abi hikhe mene omanogo ebe ninggi'nogo hilinglagunem hogoin. Ebe wasimbik, warek he, pogole habuli'mo pelakfisouwogen. Pelakfisambik he, Wam maro aik anini weak mene nen libilhemo, iluk uogo,” isukwa.

A'nogo isukwasik were'ma, afuni Midian mene kwe andi kwe wagunem, Yusuf ebe pogolema a'nogo nen liakfei wagaukwasik he, onggo uang perak mene ebe 20 nen, hombonu-hombonungge mene re ebe onggo hokho palharek meneba wanhukwa. Onggo a'nogo wanhukwama, it afuni Ismael mene onggo heligik saburigik, agarek mene omanogo nen Yusuf wanhukwasik he, o Mesir helaluk lagaukwa.

Palhukwasik it-it mel isukwa: ”Ap abi mondok hikherek mene a'nogo a'li weri'logo ari hani.

Lagaikhesik ebe inoba horokhogo lagi'lek yatmaat lagunem, Yusuf ebe enegat ineilenggen yetha wagaukwasik he, ebe mondok wasuogeluk abok palhukwa.

We, ebe re, yei wati'legat he, pogole habuli'mo o leimo yoma pelak fisouwogo,” iluk yagaisasikhe. A'nogo yagaisasikhe andi re, Yusuf ebe telogo eisenaba ambotkwe lakfei wesigiluk isikhe.