Popular Bible Verses from LUKAS 10

Share

Issenni! Pura Uwérénno akuwasang kuwammengngi mulléi malléjja'i ulaé sibawa dokkéngngé enrengngé lemmaiwi awatangenna sininna balié, nadé' gaga séuwa mulléi cilakaiko.

Nappébali Puwangngé, “Marta, Marta! Bata-batako sibawa malippuko pikkiri'i iyaé sibawa iyaro; padahal iya pentingngé séddi bawang. Na Maria pura napiléni iya makessingngé, iya dé'é nariyala matu polé ri aléna.”

Nappébali iyaro tauwé, “ ‘Amaséiwi Puwang Allataalamu sitonget-tongeng atimmu, sibawa sitonget-tongeng nyawamu, sibawa sininna awatangemmu enrengngé sininna akkalemmu,’ sibawa ‘Amaséiwi pada-padammu pada-pada muwamaséinna alému.’ ”

Adan-Na lao ri mennang, “Engngalang iya maéloé riyéngngala maéga, iyakiya paréngngala iya maéloé méngngalai céddé'mi. Rimakkuwannanaro, éllauno ri Punna dare'é kuwammengngi nakiring paréngngala untu' méngngalai wassélé' tanet-tanen-Na.

Nainappa natutu' Yésus curitaéro sibawa pakkutanaéwé, “Polé ri iya tellu tauwéro, kégana manuru' pallolongemmu mattinda' selaku pada-padanna polé ri tau iya rirampo'éro?” Nappébali iyaro guru agama iya ritanaiyé, “Tau iya puraé tulungngi iyaro tauwé.” Nakkeda Yésus, “Nah, laono namupogau' towi pada-padaéro!”

Nah, joppano! Usuroko pada-pada bimbala'é ri tengnga-tengngana asu ale'é.