Popular Bible Verses from YOHANES 10

Share

Poléi pangaé banna untu' ménnau, untu' mabbuno, sibawa untu' makkasolang. Iyakiya Iyya polé kuwammengngi nalolongeng tolinoé atuwong – atuwong maonaé.

Iyya'na pakkampi makessingngé. Pakkampi iya makessingngé nabbéréyangngi nyawana untu' sining bimbala'na.

Sining bimbala'-Ku naéngkalingai saddak-Ku. Uwisseng mennang, nanaccowéri-Ka mennang.

Uwéréngngi mennang atuwong mannennungeng, na untu' mannennungeng dé' nabinasa matu mennang. Dé' séddi tau mulléi rampasa'i mennang polé ri limak-Ku.

Iyya'na tange'. Niga muttama' lalo ri Iyya salama'i matu; massu muttama'i sibawa lolongeng anré.

Iyya'na pakkampi iya makessingngé. Pada-pada Ambo'é missek-Ka sibawa Iyya missengngi Ambo'é, makkuwatoro Uwissengngi sining bimbala'-Ku, sibawa naissek-Ku mennang. Uwabbéréyangngi nyawa-Ku untu' mennang.

Ambo'-Ku, iya puraé mabbéréyangngi mennang lao ri Iyya, napakacauri sini-sininnaé. Nadé' séddi tau mulléi rampasa'i mennang polé ri limanna Ambo'é. Iyya sibawa Ambo'é iyanaritu séddimi.”

Iyya'na pakkampi iya makessingngé. Pada-pada Ambo'é missek-Ka sibawa Iyya missengngi Ambo'é, makkuwatoro Uwissengngi sining bimbala'-Ku, sibawa naissek-Ku mennang. Uwabbéréyangngi nyawa-Ku untu' mennang.

Dé' séddi tau mulléi malai polé ri Iyya. Uwabbéréyangngi saba' élo-Ku muto. Makuwasa-Ka untu' mabbéréyangngi, sibawa makuwasa untu' malai paimeng. Iyanaro jamang iya Utarimaé polé ri Ambo'-Ku.”

Nainappa makkeda Yésus siseppa, “Tongeng senna' adak-Kué: Iyya'na tange' untu' bimbala'é.

Tau ripéssaroiyé iya tenniyaé pakkampi sibawa tenniyaétto punna iyaro sining bimbala'é lariwi salaiwi sining bimbala'éro rékko naitai polé asu ale'é. Na iyaro sining bimbala'é natikkenni matu sibawa ripassara-saranna ri asu ale'é.

“Tongeng senna' adak-Kué: Tau iya muttama'é ri laleng wakké bimbala'é lalo ri sappoé, dé' nalalo ri sumpangngé, iyakiya makkémpéi lalo ri laleng laingngé, iyaro tauwé panga sibawa parampo.