Popular Bible Verses from MARKUS 16

Share

Dung i didokkon Jesus ma tu halahi, “Kehe ma hamu tu sude portibi on. Baritahon hamu ma Jamita Na Denggan na sian Debata i tu sudena jolma.

Anggo tu angka na porsaya lehenon ma angka tanda-tanda ni kuaso sisongon on: Usiron ni halahi ma angka setan mamake goarKu. Mangkobari ma halahi dohot hata na so binoto ni halahi. Muda ditiop halahi ulok sanga tarinum halahi rasun, inda pola bagi mahua halahi. Muda diampehon halahi tanganna tu ginjang ni halak na marnyae, gabe malum ma dilala halahi.”

Malua ma angka na porsaya jana na nididi. Tapi anggo halak na so ra porsaya hona uhum do.

Dung i kehe ma angka siseanNia i pararatkon barita na sian Debata i. Tuhan i pe dohot do markarejo rap dohot halahi laho mangurupi parjamitaon ni halahi. Laing dipatupa Tuhan i muse ma angka tanda ni kuaso dohot angka hahomangan sanga na di dia dibaritahon halahi jamita na sian Debata i.] [

Didok doli-doli i ma, “Ulang mabiar hamu! Huboto do na manjalahi Jesus halak Nasaret na diparsilangkon i do hamu. Inda dison be Ia. Madung dipangolu Ia mangulahi! Ligi hamu ma, disindi hian do bangkeNia dipayakkon.

Di tonga dalan i dihatai halahi ma sama halahi, “Ise ma donganta manggulang batu panutup ni kuburan i? Harana na godangan do i.” Tapi dung lalu disi, diida halahi ma, hape ma magulang batu i. Dung i masuk ma halahi tu bagasan kuburan i. Di bagasan, sabola siamun, diida halahi ma juguk sada doli-doli. Mamake baju juba na bontar bayo i, gabe tarsonggot ma halahi.