Popular Bible Verses from MARKUS 14

Share

Didok Ia ma, “Abba, o Amang, inda adong na so tarpatupa Ho ale Amang. Buat ma parkancitan on sian Au. Tapi, ulang ma marguru tu lomo ni rohangKu tapi lomo ni rohaMu ma Amang.”

Dung i didok Jesus ma tu halahi, “Jonggor ma hamu, tangiangkon hamu ma anso ulang talu hamu di ujian i. Tutu do nian sai giot mambaen na sintong do anggo tondimunu tapi nada margogo hamu patuluskonsa hara ni bako ni jolma na gale i.”

Tutu do na Hudok on tu hamu! Sanga na di dia pe di tano on dibaritahon Jamita Na Denggan na sian Debata, angkon dibaritahon muse ma na nibaen ni anak boru on gabe songon parningotan tusia.”

Dung i didok Ia ma, “Marsak sajo do rohangKu, songon na giot mate pangkilalaanKu. Dison ma hamu jolo, jonggor ma hamu!”

Jadi hatiha na mangan i halahi, dibuat Jesus ma roti, didok Ia ma tarimakasi tu Debata. Diponggoli Ia ma roti i, dung i dilehen Ia ma tu angka siseanNia i, didok Ia hataNa, “Pangan hamu ma, on ma pamatangKu.”

Jadi dung sidung i dibuat Ia muse ma sada panginuman ni anggur. Didok Ia ma tarimakasi tu Debata, dilehen Ia muse ma panginuman i tu angka siseanNia i. Dung i sude ma halahi manginum anggur i. Dung i didok Jesus ma tu halahi, “On ma mudarKu, na niduruskon di halak na bahat, i ma mudar na mambaen tulus parjanjian ni Debata.

Dung i didok Jesus ma tu halahi, “Ganggu ma haporsayaanmunu sude. Angke adong do tarsurat di Buku Na Badia i, ‘BunuonKu ma parmahan i, gabe marserak ma angka biri-birina.’

Ngot ma hamu anso kehe hita. Ligi ma madung ro indi na manghianat i tu Au!”

“Tutu do na Hudok on, laing di borngin on painte so tahuak manuk padua nolihon, ma tolu noli diporso ho na so nitandamu Au,” ninna Jesus.