Popular Bible Verses from Juɛl a pwɔdɛn tɛ Mak 12

Share

Yecu dɔkɛ jig: Juɛl jɔnɛn nyamɔ a ɔŋ; tiŋdɛ ma Ijrel; Ciagɔn Tolɛn Juɔŋ ikin a Ciagɔn a ciɛlɔ: ɔci dalɛ i anɛ Ciagɔn Tolɛn, Juɔŋ ɣɛke tɛ yum nɛ tolɛn, tɛ jiɛtkɛ nɛ tolɛn, tɛ winyu nɛ tolɛn, tɛ tɛcɛn nɛ tolɛn. Ɔci juɛl a botɛn nɛnɛ a ɔŋ; dalɛ i anɛ min ban ba anɛ i anɛ warɛ i. Juɛl wakɛnda bwɔnɛn juɛl a nɛnɛ.

Ɔci Yecu bortɛ makɛ botɛn, ɔci gɔkjɛn eken ti: Eŋ a nɛnɛ wakɛ uljɛn, ɔci wakɛ ma wakɛnda uldɛn bwɔnɛ wakɛ eke. Makɛ coŋɛn wakɛ ɣonnɛn a tolɛn, wakɛ eken ballɛ a coŋɛn; ɔci eŋ a nɛnɛ wakɛ eke ɣonnɛn wakɛnda, wakɛ ɣodɛn eke ɣonnɛn dokɛ.

Ɔci Yecu cocɛn non a ɣondɛ wakɛ tɛ Juɔŋ a Tolɛn, ɔci makɛ gwɔltɛn a coŋɛn bilkɛ uldɛn; ɔci makɛ dɔcɛ uldɛn a coŋɛn. Ɔci minɛ eŋ, wɔn tunɛ, minɛ amdɛ bɔnɛ, bɛnɛ aŋkɛ milim uldɛn ayo.

Ɔci kan minɛ anɛ Juɔŋ a Tolɛn tɛ yum nɛ tolɛn, ɔci tɛ winyu nɛ tolɛn, ɔci tɛ tɛcɛn warɛda, ɔci anɛ min ban ba anɛ warɛ eke, ta nɛnɛ wakɛ yhɛrtɛ ɔci wakɛ piɛltɛn Juɔŋ ti bwɔnɛn nɛ tolɛn.

Ɔci Yecu gɔkjɛn eken ti: Dalɛ wakɛ Kaijar ɣondɛ tɛ eke, ɔci wakɛ Juɔŋ a Tolɛn ɣondɛn tɛ Ekta daŋkɛn. Ɔci ma punɛn nɛ tolɛn tɛ Eke.