Popular Bible Verses from LUCAS 12

Share

Chayrayku qankunapas wakichasqallataq kachkaychis; imaraykuchus Nuqa runapaq Churinqa, jayk'aqchus astawan pisita suyachkankichis chhikam, kaymantajina jamusaq.”

Qankunaqa Diospaq qhapaq suyunta ñawpaqta maskaychis, chhikamantataq imachus munasqaykichistaqa jap'iqallankichismi –nispa.

Kaytawan nirqallantaqmi: –Mich'akuy kawsaymanta riparakuspa puriykachakuychis; imaraykuchus kawsanaqa manam achkha kaqniyuq kaymantajinachu kachkan –nispa.

Imaraykuchus maypichus qhapaq kayniykichis kachkan, chayllapitaqmi sunquykichisqa kachkanqa.

Chaywampas astawan llakikuspaqa ¿Pitaq kawsananman uj p'unchaytawampas yaparikunmanri?

Jesusqa yachaqaq qatiqninkunaman ajinata nirqan: “Qankunaqa; ‘kawsanapaq imatataq mikhusaqku, jinataq imawantaq aychaykutapas p'achallichisaqku nispaqa, ama llakikuychischu.’

Chaywampas qankuna kikinkaqwanqa, umaykichispi kaq chujchaykichistapas ujmanta uj sumaq yupasqatam payqa kachin. Ajinaqa ama manchaychischu: Qankunaqa achkha pisqukunamanta niqtimpas astawan chaniyuqraqmi kankichis.

“Nuqapaq munakusqay yachaqaq qatiqniykuna, ama manchaychischu; qankunaqa asllam kankichis, chaywampas Dios Tataykichisqa munakuynimpi qankunaman qhapaq suyunta qunapaqmi yuwachkan.

Pisqukunata qhawariychis: paykunaqa manam tarpuchkankuchu, manallataqmi urikunatapas pirwakunapi apthapichkankuchu; chaywampas Diosmi paykunaman mikhuyta qun. ¡Qankunaqa pisqukunamanta niqtimpas astawan chaniyuqraqmi Diospaq kankichis!

Ajinaqa, mikhunata jinataq ujyanata maskaspa ama llakisqa puriykachaychischu.

Dioschu ajinata chay qurakunaman p'achallichin kunan p'unchaypi may sumaqta qhawakunampaq, q'ayataq junch'api ruphaykunampaq chhikaqa, qankunamanqa astawan sumaqtachariqa p'achallichisunkichisqa ¡Pisi iyawniyuq runakuna!

Imaraykuchus manam imapas pakasqa mana yacharquna kanmanchu, manallataq ima pakapi kachkan chaypas mana sut'inchakuq kachkanmanchu.