Popular Bible Verses from Матфей 19

Share

Иисус бакты уз оннара да деди: «Бу инсана олмаз, ама Аллаха хепси олур».

Бутакым олаӂэклар диил ики, ама бир гӱӱдӓ. Ӧлӓ ки, не Аллах бирлештирди, инсан ону айырмасын».

Иисус ӂувап етти оннара: «Не, окумадыныз мы, ани Йарадыӂы баштан йаратты инсаннары, олсуннар адам хем кары. Да деди: „Онуштан бракаӂэк адам бобасыны хем анасыны да бирлешеӂек карысыннан. Икиси бир гӱӱдӓ олаӂэк“.

Иисус деди: «Бракын ушаклары, гелсиннӓр Бана, да дургутмайын оннары, зерӓ Гӧк Падишахлыы оннарын гибилери ичин».

Ама чойу илк оланнардан битки олаӂэк, чойу да биткилердӓн илк олаӂэк.

Хепси, ким бракты евини йада кардашларыны, кызкардашларыны, бобасыны, анасыны, /карысыны,/ ушакларыны еки мерасыны Беним адым ичин, кабледеӂек ӱз катына таа чок хем дӓ еденеӂек дивеч йашамак.

«Еер истӓрсейдин таман олмаа, гит да сат варлыыны, пайет фукааралара, да олаӂэк хазнан гӧктӓ. Сора гел да излӓ Бени», – деди Иисус.

Иисус ӂувап етти она: «Нечин сорэрсын Бана „не иилик“? Салт бир Аллах ии. Еер истӓрсейдин ӧмӱрӓ гирмӓӓ, таманна сымарламаклары».

Хем да сӧлеерим сизӓ, ани таа илин бир девӓ ииненин кулаандан гечсин, некадар бир зенгин адам Аллахын Падишахлыына гирсин».

Бӓн сизӓ деерим: хербир адам, ангысы айырылэр карысындан диил хайырсызлык бетеринӓ да евленер башкасына, ороспулук йапэр. /Ким дӓ евленер коӂасындан айырылмыш карыйа, о да ороспулук йапэр/».

Иисус деди ӱӱрениӂилеринӓ: «Доору сӧлеерим сизӓ, не зор бир зенгин адам Гӧк Падишахлыына гирсин!